গুৱাহাটীত শ্বপিং মলৰ পঞ্চম মহলাৰ পৰা জপিয়ালে ছাত্ৰই

মহানগৰীৰ দিছপুৰস্থিত AURUS মলৰ পঞ্চম মহলাৰ পৰা জপিয়ালে ছাত্ৰই (Student jumps from 5th floor in Guwahati)। ছাত্ৰজনে কিয় মলৰ পঞ্চম মহলাৰ পৰা জপিয়ালে তাৰ কাৰণ জানিব পৰা হোৱা নাই ।

গুৱাহাটী, ৩১ মে’ : মহানগৰীত চাঞ্চল্যকৰ ঘটনা । মহানগৰীৰ দিছপুৰস্থিত AURUS মলৰ পঞ্চম মহলাৰ পৰা জপিয়ালে ছাত্ৰই (Student jumps from 5th floor in Guwahati)। আনন্দ একাডেমীৰ নৱম শ্ৰেণীত অধ্যয়নৰত ছাত্ৰজন । মঙলবাৰে ২.২৫ মান বজাত স্কুলৰ পৰা ওলাই আহিছিল ছাত্ৰজন । স্কুলৰ পৰা আহি চাইকেলখন তলত ৰখাই উঠি গৈছিল মলৰ ওপৰলৈ ।

তাৰ পাচতেই পঞ্চম মহলাৰ পৰা জপিয়াই দিয়ে ছাত্ৰজনে । ইয়াৰ পিছতে ছাত্ৰজনক তৎক্ষণাৎকভাৱে জিএনআৰচি চিকিৎসালয়ত ভৰ্তি কৰোৱা হয় । ছাত্ৰজনৰ দুয়োখন ভৰি, কঁকাল আৰু সোঁ হাতখন ভাগিছে বুলি জানিব পৰা গৈছে । ছাত্ৰজনে কিয় শ্বপিং মলৰ পঞ্চম মহলাৰ পৰা জপিয়ালে তাৰ কাৰণ জানিব পৰা হোৱা নাই ।

লগতে পঢ়ক :ৰাজ্যত সংঘটিত ঈশান উদয় কেলেংকাৰীৰ মূল অভিযুক্তক গ্ৰেপ্তাৰ