সনাতন ডেকা হত্যাকাণ্ডঃ আৰক্ষীৰ জালত অন্তিমটো অপৰাধী

হাজোৰ সনাতন ডেকাৰ হত্যাকাণ্ডত জড়িত থকা অভিযুক্ত ৰাহুল আলিক গ্ৰেপ্তাৰ ৷

কামৰূপ, 29 মে' : হাজো সনাতন ডেকা হত্যাকাণ্ডৰ গোচৰত অভিযুক্ত তথা এজাহাৰত নাম উল্লেখ থকা পঞ্চমজন অপৰাধীক কৰায়ত্ত কৰিবলৈ সক্ষম হয় আৰক্ষী ৷ আজি হাজো আৰক্ষী থানাৰ ভাৰপ্ৰাপ্ত আৰক্ষী বিষয়া ভাস্কৰ বৰ্মনৰ নেতৃত্বত যোৱা অভিযানকাৰী দলে আটক কৰে সনাতন ডেকাক নিৰ্মমভাৱে হত্যা কৰা ৰাহুল আলি নামৰ অভিযুক্তটোক ৷ সনাতন ডেকাৰ হত্যাকাণ্ডত জড়িত থকা ৰাহুল আলি আছিল পঞ্চমজন অভিযুক্ত । হাজো আৰক্ষীয়ে ইতিমধ্যে সনাতন ডেকাৰ হত্যাকাণ্ডৰ সৈতে জড়িত চাৰিগৰাকী অভিযুক্তক আটক কৰিবলৈ সক্ষম হৈছে ৷