শীঘ্ৰেই NRCক লৈ নিজৰ স্থিতি স্পষ্ট কৰিব বিজেপিয়েঃ ৰঞ্জিত দাস

আজি মহাপুৰুষ মাধৱদেৱৰ তিৰোভাৱ তিথি। ৰাজ্যৰ ভিন্ন প্ৰান্তৰ নামঘৰ সমূহত চলিছে নাম প্ৰসংগ আৰু তিথিৰ বিশেষ কাৰ্যসূচী। মহানগৰীৰ লাষ্টগেটস্থিত শ্ৰীমন্ত শংকৰদেৱ নামঘৰত পত্নীৰ সৈতে উপস্থিত ৰাজ্যিক বিজেপিৰ সভাপতি ৰঞ্জিত দাস। নামঘৰত সেৱা লৈ ভকতৰ সৈতে নাম প্ৰসংগত ব্যস্ত দাস।

গুৱাহাটী, 20 আগষ্টঃ মহাপুৰুষ মাধৱদেৱৰ তিৰোভাৱ তিথি উপলক্ষে মহানগৰীৰ লাষ্টগেটস্থিত শ্ৰীমন্ত শংকৰদেৱ নামঘৰত পত্নীৰ সৈতে উপস্থিত ৰাজ্যিক বিজেপিৰ সভাপতি ৰঞ্জিত দাস । গুৰুদুজনাৰ তিৰোভাৱ তিথিত চৰকাৰী বন্ধ দিয়াতো চৰকাৰে বিবেচনা কৰিব লাগে বুলি মন্তব্য ৰঞ্জিত দাসৰ ৷ NRCক লৈ নিজৰ স্থিতি শীঘ্ৰেই প্ৰকাশ কৰিব বুলিও উল্লেখ সভাপতিগৰাকীৰ ৷

লগতে বিজেপিয়ে বিটিচিত নিৰ্বাচন খেলিব বুলি উল্লেখ কৰি কাৰ লগত মিত্ৰতা কৰিব সেয়া দলীয় বৈঠকত সিদ্ধান্ত ল'ব বুলিও কয় সভাপতিগৰাকীয়ে৷ আনহাতে বিজেপিত কংগ্ৰেছীৰ যোগদানক লৈ বিৰূপ প্ৰতিক্ৰিয়াক লৈও মন্তব্য ৰঞ্জিত দাসৰ ৷ ২১তাৰিখৰ যোগদান কাৰ্যসূচীৰ পিছতে সংবাদমেল যোগে সকলো কথা সদৰি কৰিব বুলি উল্লেখ ৰাজ্যিক বিজেপিৰ সভাপতি ৰঞ্জিত দাসৰ ৷