ৰঙিয়া, 15 মে': ৰঙিয়াত ক’ভিডৰ নতুন নীতি নিৰ্দেশনা উলংঘাকাৰীক শাস্তি বিহিছে আৰক্ষীয়ে । নিয়ম নামানি ঘুৰি ফুৰা যুৱকক ৰাজপথত উঠা-বহা কৰালে আৰক্ষীয়ে । দেওবাৰৰ পৰা ক’ভিডৰ নতুন নীতি নিৰ্দেশনা অনুসৰি দুপৰীয়া ১২ বজাৰ পৰা সান্ধ্য আইন জাৰি কৰা হৈছে । সেইমতে ১২ বজাৰ পিছত কোনো লোকে ৰাজপথত ঘূৰি-ফুৰিব নোৱাৰে ।
ৰঙিয়াত নিয়ম ভংগকাৰীৰ বিৰুদ্ধ কঠোৰ আৰক্ষী কিন্তু ইয়াৰ পিছতো ৰঙিয়া নগৰত একাংশ উদণ্ড যুৱকে বিভিন্ন অজুহাতলৈ সান্ধ্য আইন উলংঘা কৰি ঘূৰি ফুৰে । এইক্ষেত্ৰত আৰক্ষীয়ে কঠোৰ ভূমিকা লৈ আইন উলংঘা কৰা যুৱকক ৰাজপথত শাস্তি প্ৰদান কৰে । যুৱকজনক কৰ্তব্যৰত আৰক্ষীয়ে ৰাজপথত উঠা-বহা কৰোৱাই । ৰঙিয়াত কৰ’ণাৰ নতুন আইনক লৈ আৰক্ষীয়ে কঠোৰ পদক্ষেপ গ্ৰহণ কৰা পৰিলক্ষিত হৈছে ৷
লগতে পঢ়ক :দলঙত বাঁহৰ ৰেলিং লগায়েই দায়িত্ব সামৰিছে গেমনে
