গুৱাহাটী, 5 জুলাইঃ মহানগৰীৰ নিউ গুৱাহাটীস্থিত উত্তৰ-পূৱ সীমান্ত ৰে'লৱে কাৰ্যালয়ৰ কৰ্মচাৰী সকলৰ মাজত তীব্ৰ কৰ'ণাতংকৰ সৃষ্টি হয় । ইতিমধ্যে ৰে'লৱে কৰ্তৃপক্ষৰ বিৰুদ্ধে তীব্ৰ প্ৰতিবাদ সাব্যস্ত কৰে কৰ্মচাৰী সকলে ৷
উত্তৰ-পূৱ সীমান্ত ৰে'লৱেৰ কাৰ্যালয়ত কৰ'ণাতংক
মহানগৰীৰ নিউ গুৱাহাটীস্থিত উত্তৰ-পূৱ সীমান্ত ৰে'লৱেৰ ট্ৰেইন পাছিং আৰু ৱেগন মেইনটেনেন্স বিভাগৰ কৰ্মচাৰীৰ মাজত হাহাকাৰময় অৱস্থাৰ সৃষ্টি হয় । কিয়নো ইতিমধ্যে বিভাগ দুটাৰ ৭ জনকৈ কৰ্মচাৰী আক্ৰান্ত হৈছে কোভিড-১৯ ত । এই বিভাগটোত আছে মুঠ ২৫০ গৰাকী কৰ্মচাৰী । ইয়াৰ পিছতো কাৰ্যালয়টো কন্টেইনমেন্ট জ'ন ঘোষণা কৰা হোৱা নাই বুলি অভিযোগ কৰে কৰ্মচাৰী সকলে । তাৰোপৰি আন-আন কৰ্মচাৰীসকলৰো স্বাৱ পৰীক্ষাৰ কোনো ব্যৱস্থা বৰ্তমানলৈ লোৱা নাই বিভাগীয় কৰ্তৃপক্ষই । ভয় শংকাৰ মাজেৰেই কৰ্মচাৰী সকলে চলাই আছে কাৰ্যালয়ৰ কাম-কাজ। যাৰ বাবে এতিয়া আতংকিত হৈ পৰিছে কৰ্মচাৰীসকল ।