গুৱাহাটী, 27 জুলাই :বিগত 24 তাৰিখৰ পৰা 30 তাৰিখলৈ ভাৰতীয় মজদুৰ সংঘ আৰু ভাৰতীয় ৰে'লৱে মজদুৰ সংঘই দেশজুৰি আৰম্ভ কৰিছে এলানি প্ৰতিবাদী কাৰ্যসূচীৰ । একে ধৰণে পূৰ্বোত্তৰ সীমান্ত ৰে'লৱে কৰ্মচাৰী সংঘই গুৱাহাটীৰ বিভিন্ন স্থানত হাতত লৈছে 'চৰকাৰ জাগাও, উদ্যোগ, মজদুৰ বাছাও' শীৰ্ষক কাৰ্যসূচীৰ ।
সোমবাৰে মালিগাঁওস্থিত উত্তৰ-পূৱ সীমান্ত ৰে'লৱেৰ মুখ্য কাৰ্যালয়ৰ সন্মুখত সংঘই ৰূপায়ন কৰে এই প্ৰতিবাদী কাৰ্যসূচী । সপ্তাহজোৰা কাৰ্যসূচীৰ জৰিয়তে ইতিহাসৰ সবাতোকৈ বৃহত্তম শ্ৰমিক আন্দোলনৰ মুখামুখি হ'বলৈ চৰকাৰক সকীয়নি প্ৰদান কৰে সংঘই । মজদুৰ সংঘৰ দাবী শীঘ্ৰে মানি ন'ললে এই ভয়াৱহ আন্দোলনৰ সন্মূখীন হ'ব বুলি হুংকাৰ দিয়ে পূৰ্বোত্তৰ সীমান্ত ৰে'লৱে কৰ্মচাৰী সংঘৰ নেতৃত্বই । চৰকাৰী আৰু ৰাজহুৱা খণ্ডক ব্যক্তিগতকৰণ,নিগমীকৰণ,দেশৰ শ্ৰমিক আইন সংশোধন,দেশত সৃষ্টি হোৱা কৰ্মসংস্থাপনহীনতা আদিৰ বিৰুদ্ধে এই বিক্ষোভ কাৰ্যসূচী হাতত লৈছে সংগঠনটোৱে ।
লগতে পঢ়কঃভাৰত পাবহি দুৰন্ত যুঁজাৰু বিমান ৰাফেল