বকো, 2 এপ্ৰিল:বৃহস্পতিবাৰে ৪৮ নং বকো বিধানসভা সমষ্টিৰ অন্তৰ্গত সোণতলীত নিৰ্বাচনী প্ৰচাৰৰ বাবে উপস্থিত হয় মুখ্যমন্ত্ৰী সৰ্বানন্দ সোণোৱাল ৷ লগতে অগপ দলৰ সভাপতি অতুল বৰা আৰু কাৰ্যকৰী সভাপতি কেশৱ মহন্ত উপস্থিত থাকে মিত্ৰজোঁট প্ৰচাৰ সভাখনত ৷
অগপ দলৰ প্ৰাৰ্থী জ্যোতি প্ৰসাদ দাসৰ এখনি নিৰ্বাচনী প্ৰচাৰ সভালৈ বকো সমষ্টিৰ বিভিন্ন প্ৰান্তৰ পৰা মানুহ সমাৱেত কৰাৰ উদ্দেশ্যে গাড়ী ভাড়া ও তেলৰ খৰচ দিব বুলি কৈ সমবেত কৰিছিল একাংশ লোকক ৷ নিৰ্বাচনী সভালৈ যোৱা একাংশ অগপ সমৰ্থকে কালাতলীৰ নতুন কাঠমী বজাৰত গাড়ী ভাৰা ও গাড়়ীৰ তেলৰ খৰচ নিদিয়াত এক উত্তপ্ত পৰিস্থিতিৰ সৃষ্টি কৰে । ক্ষুদ্ধ সমৰ্থকসকলে বজাৰখনত থকা অগপ দলৰ নিৰ্বাচনী কাৰ্যালয়ৰ বেনাৰ, পোষ্টাৰ, চকী আদি লণ্ডভণ্ড কৰি অগপ গ’ বেক ধ্বনিৰে পৰিৱেশৰ উত্তাল কৰে ৷
লগতে পঢ়ক:জনতা ভৱনৰ পৰা পোনপটীয়া নিৰীক্ষণত ৫০ শতাংশ ভোটকেন্দ্ৰ
