জনবিষ্ফোৰণ ৰোধৰ বাবে আইন প্ৰণয়নৰ আহ্বান জনসংখ্যা সমাধান ফাউণ্ডেচনৰ

বিশ্বৰ ভূ-ভাগৰ ২.৪ শতাংশৰ ভাৰতত সমগ্ৰ বিশ্বৰ মুঠ ৭৯০ কোটি জনসংখ্যাৰ ১৭.৭৪ শতাংশ অৰ্থাৎ ১৪০ কোটিৰো অধিক জনসংখ্যাই বাস কৰিছে (Population of India)। কিন্তু ভাৰতৰ ভূ-ভাগৰ আধাৰত দেশৰ জনসংখ্যা ২০ কোটিৰ অধিক হোৱা উচিত নহয় । সেয়েহে জনসংখ্যা নিয়ন্ত্ৰণ আইন ৰূপায়ণ (Population control act) কৰাৰ আহ্বান জনাইছে জনসংখ্যা সমাধান ফাউণ্ডেচনে ।

গুৱাহাটী, ১১ জুলাই : জাতি ধৰ্ম ক্ষেত্ৰ আৰু ভাষাৰ বান্ধোনৰ উৰ্ধত জনবিষ্ফোৰণৰ সমস্যা সমাধানৰ বাবে আইন প্ৰণয়ন কৰিবলৈ চৰকাৰক আহ্বান জনসংখ্যা সমাধান ফাউণ্ডেচনৰ (Implementation of population control act) । সোমবাৰে গুৱাহাটী প্ৰেছ ক্লাৱত আয়োজিত এক সংবাদমেলত ফাউণ্ডেচনৰ ৰাজ্যিক অধ্যক্ষ হৰেন্দ্ৰ বৰাই কয় যে, দেশত জনবিষ্ফোৰণৰ ফলত পৰমাণু যুদ্ধৰ সংকটকৈ অধিক ভয়াৱহ হৈ পৰিছে (Population explosion in India)।

বিশ্বৰ ভূ-ভাগৰ ২.৪ শতাংশৰ ভাৰতত সমগ্ৰ বিশ্বৰ মুঠ ৭৯০ কোটি জনসংখ্যাৰ ১৭.৭৪ শতাংশ অৰ্থাৎ ১৪০ কোটিৰো অধিক জনসংখ্যাই বাস কৰিছে । কিন্তু ভাৰতৰ ভূ-ভাগৰ আধাৰত দেশৰ জনসংখ্যা ২০ কোটিৰ অধিক হোৱা উচিত নহয় (Population of India)। ভাৰতৰ কম ক্ষেত্ৰফলত অধিক জনসংখ্যা হোৱাৰ বাবেই ইয়াত উপলব্ধ সীমিত পৰিমাণৰ প্ৰাকৃতিক সম্পদ তীব্ৰ গতিত হ্ৰাস পাইছে । সেয়েহে জনসংখ্যা নিয়ন্ত্ৰণ আইন (Population control act) ৰূপায়ণ কৰাৰ আহ্বান জনাইছে জনসংখ্যা সমাধান ফাউণ্ডেচনে ।

তেওঁলোকৰ মতে, এই আইনৰ সকলো দণ্ডাত্মক প্ৰাৱধান আইন অধিসূচিত হোৱা তাৰিখৰ এবছৰৰ পিছত আইন ভংগ কৰি দুটা জীৱিত সন্তানৰ পিছতো অধিক সন্তান জন্ম দিয়া পিতৃ-মাতৃৰ ক্ষেত্ৰত বলবৎ হ’ব লাগে (Two child policy) ৷ জনসংখ্যা নিয়ন্ত্ৰণ আইন এবাৰ উলংঘন কৰাৰ পিছত পুনৰ উলংঘা কৰিলে তেনে পিতৃ-মাতৃক ১০ বছৰ জেল খটোৱাৰ ব্যৱস্থা কৰাকে ধৰি মুঠ ১১ টা দাবীৰে আইন প্ৰণয়ণ কৰিবলৈ চৰকাৰক আহ্বান জনসংখ্যা সমাধান ফাউণ্ডেচনৰ । সংবাদমেলৰ শেষত ১১ টা দাবী সম্বলিত স্মাৰক পত্ৰ প্ৰধানমন্ত্ৰীলৈ প্ৰেৰণ কৰা হয় ।

লগতে পঢ়ক :World Population Day: জনসংখ্যা ৰোধৰ বাবে চৰকাৰক আইন প্ৰণয়নৰ দাবী