ঢোল-পেঁপা বজাই দিল্লীত সোণোৱালৰে বিহু উপভোগ প্ৰধানমন্ত্ৰীৰ

নতুন দিল্লীত অসমীয়াৰ বাপতি সাহোন ৰঙালী বিহু উদযাপন কেন্দ্ৰীয় মন্ত্ৰী সৰ্বানন্দ সোণোৱালৰ(PM Modi attends Bihu function at Sonowals residence) ৷ সোণোৱালৰ বাসগৃহত আয়োজন কৰা বিহু অনুষ্ঠানত অংশগ্ৰহণ প্ৰধানমন্ত্ৰীৰ ৷ বিহু নৃত্য উপভোগ কৰাৰ লগতে বিহুৱা দলৰে বাৰ্তালাপ কৰে প্ৰধানমন্ত্ৰীয়ে(PM Narendra Modi attends Bihu function) ৷

নিউজ ডেস্ক, 24 এপ্ৰিল :কেন্দ্ৰীয় মন্ত্ৰী সৰ্বানন্দ সোণোৱালৰ শনিবাৰে নতুন দিল্লীস্থিত বাসগৃহত অসমীয়াৰ বাপতি সাহোন ৰঙালী বিহু অনুষ্ঠানৰ আয়োজন কৰে ৷ ৰঙালী বিহু অনুষ্ঠানত প্ৰধানমন্ত্ৰী নৰেন্দ্ৰ মোদীয়ে অংশগ্ৰহণ কৰে । প্ৰধানমন্ত্ৰীয়ে অনুষ্ঠানটোত ঢোল, পেঁপা, তাল আদি অসমীয়া বাদ্যযন্ত্ৰ হাতত লৈ বজাবলৈ চেষ্টা কৰে ৷

কেন্দ্ৰীয় মন্ত্ৰী সৰ্বানন্দ সোণোৱালৰ বাসগৃহত আয়োজিত ৰঙালী বিহু অনুষ্ঠানত কেইবাটাও অসমীয়া বিহুৱা দলে বিহু নৃত্য প্ৰদৰ্শন কৰে ৷ প্ৰধানমন্ত্ৰীয়ে অসমীয়া বিহু নৃত্য উপভোগ(PM Narendra Modi attends Bihu function) কৰাৰ লগতে উপস্থিত শিল্পী আৰু অতিথিসকলৰ সৈতে বাৰ্তালাপ কৰে ৷

অসমীয়া বিহুৱা দলৰে প্ৰধানমন্ত্ৰী

আনহাতে সোণোৱালে তেওঁৰ বাসগৃহত আয়োজিত বিহু অনুষ্ঠানত প্ৰধানমন্ত্ৰী মোডীয়ে অংশগ্ৰহণ কৰাত সন্তোষ প্ৰকাশ কৰে ৷ সোণোৱালে অনুষ্ঠানটোত উপস্থিত থকাৰ বাবে প্ৰধানমন্ত্ৰীক প্ৰশংসা কৰে ৷ তেওঁ বিহু অনুষ্ঠানটোত প্ৰধানমন্ত্ৰী মোডীৰ উপস্থিতি অতি গুৰুত্বপূৰ্ণ বুলি উল্লেখ কৰি আৰু ই অসমবাসী আৰু অসমীয়া সংস্কৃতিৰ প্ৰতি থকা প্ৰধানমন্ত্ৰীৰ প্ৰেমক প্ৰতিফলিত কৰে বুলি মন্তব্য কৰে ।

লগতে পঢ়ক :সপ্তম ভাৰত ঔদ্যোগিক মেলা পৰিদৰ্শন প্ৰতিৰক্ষা মন্ত্ৰী ৰাজনাথ সিঙৰ