গুৱাহাটীত প্ৰধানমন্ত্ৰী আৱাস যোজনা চহৰাঞ্চল আঁচনিৰ শুভ উদ্বোধন

বুধবাৰে প্ৰধানমন্ত্ৰী আৱাস যোজনা চহৰাঞ্চল আঁচনিৰ শুভ উদ্বোধন কৰে মুখ্যমন্ত্ৰী সৰ্বানন্দ সোণোৱালে ৷ গুৱাহাটী চিকিৎসা মহাবিদ্যালয় হাস্পতাল প্ৰেক্ষাগৃহত অনুষ্ঠিত হয় এই অনুষ্ঠান ৷

গুৱাহাটী, 30 অক্টোবৰঃ বুধবাৰে প্ৰধানমন্ত্ৰী আৱাস যোজনা চহৰাঞ্চল আঁচনিৰ শুভ উদ্বোধন কৰে মুখ্যমন্ত্ৰী সৰ্বানন্দ সোণোৱালে ৷ গুৱাহাটী চিকিৎসা মহাবিদ্যালয় হাস্পতাল প্ৰেক্ষাগৃহত অনুষ্ঠিত হোৱা এই অনুষ্ঠানত চহৰাঞ্চলৰ বাসগৃহ বিহীন লোকৰ বাবে তৈয়াৰ এই আঁচনিত আজি 2643 গৰাকী হিতাধীকাৰীক প্ৰথম কিষ্টিৰ 1 লাখ 10 হাজাৰ টকাকৈ প্ৰদান কৰা হয় ৷ উক্ত অনুষ্ঠানত মুখ্যমন্ত্ৰী সৰ্বানন্দ সোণোৱালে কয় যে, 2022 চনৰ ভিতৰত এই আঁচনি সম্পূৰ্ণ কৰিবলৈ কেন্দ্ৰীয় চৰকাৰে আমাক নিৰ্দেশ দিছে । কামবোৰ ভাল আৰু উন্নত মানদণ্ডৰ হোৱাৰ লগতে নিৰ্দিষ্ট সময়ৰ ভিতৰত সম্পূৰ্ণ কৰিবই লাগিব । লগতে পূৰ্বতে ইণ্ডিৰা আৱাস যোজনাৰ যি ঘৰ আছিল সেয়া অতি দুৰ্বল আছিল । এতিয়া সেই ঘৰ দেখিলে হতাশ হয় ৰাইজ । গতিকে প্ৰধানমন্ত্ৰী আৱাস যোজনাৰ ঘৰ অতি সুন্দৰ হ’ব লাগিব বুলি মন্তব্য কৰে মুখ্যমন্ত্ৰী গৰাকীয়ে ‌ । এই অনুষ্ঠানত অতুল বৰাও উপস্থিত থাকে ৷ 2022 চনৰ ভিতৰত সম্পূৰ্ণ হ’বলগীয়া এই প্ৰধানমন্ত্ৰী আৱাস যোজনাই বহু পৰিয়ালৰ মুখত হাঁহি বিৰিঙাইছে । ইয়োৰোপৰি মুখ্যমন্ত্ৰী গৰাকীয়ে বিভিন্ন জিলাৰ আৱাস গৃহৰ হিতাধীকাৰী সকলৰ সৈতে ভিডিঅ’ কনফাৰেন্স যোগে বাৰ্তালাপো কৰে ৷

আৰু পঢ়কঃ সন্ত্ৰাসবাদীৰ হিট লিষ্টত ‘বিৰাট কোহলি’ !