গুৱাহাটী, 6 জানুৱাৰীঃ দেওবাৰৰ তিক্ততাপূৰ্ণ অভিজ্ঞতা লৈ অসমৰ পৰা প্ৰস্থান কৰিলে ভাৰত আৰু শ্ৰীলংকা ক্ৰিকেট দলে ৷ সোমবাৰে কটকটীয়া নিৰাপত্তা বেষ্টনীৰ মাজত জালুকবাৰীস্থিত হোটেল ৰেডিচন ব্লু'ৰ পৰা দুয়ো দলক বৰঝাৰ বিমানবন্দৰলৈ লৈ যোৱা হয় ৷ ইয়াৰ পাচতে বিশেষ বিমানযোগে দুয়ো দলৰ ক্ৰিকেটাৰসকল ৰাওনা হয় ৷
উল্লেখ্য যে, দেওবাৰে ভাৰত-শ্ৰীলংকাৰ মাজত অনুষ্ঠিত হ'বলগা প্ৰথমখন টি-20 বৰষুণৰ বাবে বাতিল কৰিব লগা হয় ৷ অসম ক্ৰিকেট সন্থাৰ অবিবেচকী কাণ্ডৰ বাবে বৰ্ষাপাৰাৰ বৰষুণৰ পানী শুকুৱাবলৈ হেয়াৰ ড্ৰায়াৰ, ইষ্ট্ৰি, ভেকুম ক্লীনাৰ ব্যৱহাৰ কৰিবলগা হোৱা কাণ্ডই উন্নয়নৰ নমুনা দাঙি ধৰে ৷ অনুন্নত আন্তঃগাঁঠনিৰে আন্তঃৰাষ্ট্ৰীয় খেল অনুষ্ঠিত কৰিবলৈ আগবঢ়া বাবে এতিয়া সকলোৰে হাঁহিয়াতৰ পাত্ৰ হৈছে অসম ক্ৰিকেট সন্থা ৷
আৰু পঢ়ক : অকৰ্মণ্য অসম ক্ৰীড়া সংস্থাঃ লজ্জানত অসমবাসী
