3 বজাৰ দহটা শীৰ্ষ খবৰ

3 বজাৰ দহটা শীৰ্ষ খবৰ

যান-বাহন আইন ভংগকাৰীৰ বিৰুদ্ধে কামৰূপ মহানগৰ জিলা পৰিবহণ বিভাগৰ(Kamrup District Transport Department) অভিযান । দুৰ্ঘটনাৰ কাৰক ৰোধ আৰু অধ্যয়নৰ বাবে ক্ৰেছ ইনভেষ্টিগেছন টীম(CIT) গঠন । বিগত বর্ষৰ তুলনাত এইবেলি 4.80 কোটি টকাতকৈ অধিক পৰিমাণৰ জৰিমনা সংগ্ৰহ কৰা হৈছে । বিগত 5 মাহত আইন ভংগ কৰা বাহনৰ বিৰুদ্ধে 12 হাজাৰতকৈ অধিক গোচৰ ৰুজু কৰা হৈছে ।

মুখ্যমন্ত্ৰী ড৹ হিমন্ত বিশ্ব শৰ্মাই অসম আৰক্ষীক দিছে 'ফ্ৰী হেণ্ড' । যাৰ ফলত নতুন চৰকাৰ ক্ষমতালৈ অহাৰ আগলৈকে বন্দুকৰ ট্ৰিগাৰত হাত নিদিয়া অসম আৰক্ষীৰ আঙুলি এতিয়া ট্ৰিগাৰতে থাকে । বন্দুকৰ পৰা সঘন গুলী ফুটিবলৈ আৰম্ভ কৰিছে । শেহতীয়াকৈ শনিবাৰে নিশা ৰাজ্যত সংঘটিত হয় দুটাকৈ এনকাউণ্টাৰৰ ঘটনা আৰু এই ঘটনাত দুজন অভিযুক্ত গুলীবিদ্ধ হয় ।

কলিয়াবৰৰ এগৰাকী আদৰ্শৱান শিক্ষক ৷ শিক্ষকতাৰ লগতে কৃষিকৰ্মৰে অনুকৰণীয় এইগৰাকী শিক্ষক ৷ শাওনৰ পথাৰ সামৰি এতিয়া কলখেতিত ব্যস্ত হৈ পৰিছে তেওঁ ৷ কৰ’ণা(Corona) মহামাৰীৰ সময়চোৱাত কৃষিকৰ্মৰ জৰিয়তে নৱ প্ৰজন্মক কৰ্মৰ পথ দেখুৱাই দিয়া এইগৰাকী কৃতি শিক্ষকৰ সৈতে আহক চিনাকি হওঁ...

ৰিণ্টু শৰ্মা শৰ্মাক গুলিয়ালে ধেমাজি আৰক্ষীয়ে । শনিবাৰে মাজনিশা অসম চিকিৎসা মহাবিদ্যালয় হাস্পতালত ভৰ্তি কৰোৱা হয় নন্দিতা শইকীয়া হত্যাকাণ্ডৰ অভিযুক্ত ৰিণ্টু শৰ্মাক ৷

মহানগৰীৰ খাৰঘূলিৰ ৰেভ পাৰ্টী(Rave Party) গোচৰৰ অন্যতম মূল অভিযুক্ত বিশাল চৌধুৰী(Bishal Choudhury) আহত হৈছে আৰক্ষীৰ এনকাউণ্টাৰত(Encounter) ৷ কামৰূপ মহানগৰ আৰক্ষীৰ(Kamrup Police) জিম্মাৰ পৰা পলাবলৈ চেষ্টা কৰোতেই অভিযুক্ত বিশালৰ বাঁওভৰিত গুলীয়ায় ৷

মাণিকপুৰ চেণ্ট্ৰেল বেংকত ভাষাক লৈ অৰাজকতা ৷ বেংকটোত বিষয়া-কৰ্মচাৰীসকলে গ্ৰাহকৰ সৈতে অনা অসমীয়া ভাষা ব্যৱহাৰ কৰাক লৈ সৰৱ হৈ পৰিছে বীৰ লাচিত সেনা(Bir Lachit Sena)ৰ মাণিকপুৰ আঞ্চলিক সমিতি ৷ এই ক্ষেত্ৰত উৰ্ধতম কৰ্তৃপক্ষৰ হস্তক্ষেপ দাবী বিচাৰিছে সংগঠনটোৱে ৷

বিশ্বৰ 13 খন আগশাৰীৰ দেশৰ নেতাসমূহৰ ভিতৰত সৰ্বাধিক জনপ্ৰিয় ভাৰতৰ প্ৰধানমন্ত্ৰী মোডী ৷ শেহতীয়াকৈ এক সমীক্ষাত প্ৰকাশ পাইছে এই কথা ৷ ভাৰতীয় প্ৰধানমন্ত্ৰী গৰাকীক এই সমীক্ষাত কেৱল 25 শতাংশ লোকেহে পচন্দৰ বাহিৰত ৰাখে ৷

শিক্ষক দিৱস উপলক্ষে মাতৃ হেমামালিনীলৈ কন্যা ঈশা দেউলৰ আবেগিক পোষ্ট ৷ মাতৃক জীৱন প্ৰথম শিক্ষাগুৰু আখ্যা ঈশাৰ ৷

উদ্যোগ ক্ষেত্ৰলৈ আহিছে এক সু-খবৰ ৷ গুজৰাটৰ পাচতে ৰঙিয়াত স্থাপন হোৱাৰ দিশে ভাৰতৰ দ্বিতীয়টো ম্যাদ উকলা যান-বাহন নষ্টকৰণ কেন্দ্ৰ ৷ ইতিমধ্যে আৰম্ভ হৈছে ইয়াৰ আনুসংগিক কাম-কাজ ৷

কেৰালাত পুনৰ পোহৰলৈ আহিছে মাৰাত্মক নিপা ভাইৰাছৰ ঘটনা ৷ ৰাজ্যখনৰ কোজিকোডেত এই ভাইৰাছৰ দ্বাৰা আক্ৰান্ত হৈ এটি 12 বছৰীয়া কিশোৰৰ মৃত্যু ঘটে ৷