অসমৰ জাতি-জনগোষ্ঠীৰ সাংস্কৃতিক পৰিচয় ধ্বংস কৰাৰ প্ৰৱণতা আছে বিজেপিৰ : অজিত ভূঞা

সোমবাৰে সাংসদ অজিত কুমাৰ ভূঞাই সম্বোধন কৰে এক সংবাদমেলৰ ৷ এই সংবাদমেলৰ জৰিয়তে সাংসদগৰাকীয়ে ৰাজ্য চৰকাৰৰ বহুকেইটা সিদ্ধান্তৰ বিৰুদ্ধে মন্তব্য প্ৰকাশ কৰা (Ajit Kumar Bhuyan against BJP govt)ৰ লগতে মুখ্যমন্ত্ৰী পৰিয়ালৰ বিৰুদ্ধে উত্থাপিত ভূমি কেলেংকাৰীৰ সম্পৰ্কতো মন্তব্য প্ৰকাশ কৰে (Land grabbing allegation against CM family)৷

গুৱাহাটী, ১০ জানুৱাৰী : ‘‘ভোগালী বিহু উদযাপন কৰিবলৈ নিদিয়াটো অসম বিৰোধী চক্ৰৰ একমাত্ৰ উদ্দেশ্য । অসমৰ খিলঞ্জীয়া ৰাইজৰ বাবে ইয়াতকৈ অপমান আৰু হতাশাৰ কাৰণ একো হ’ব নোৱাৰে ৷’’ এই মন্তব্য ৰাজ্যসভাৰ সাংসদ তথা আঞ্চলিক গণ মৰ্চাৰ সভাপতি অজিত কুমাৰ ভূঞাৰ । ক’ভিডৰ বাবে কেৱল মাঘৰ বিহু উদযাপনতহে নিষেধাজ্ঞা জাৰি কৰাক সমালোচনা কৰে সাংসদগৰাকীয়ে (Magh Bihu SOP) ৷

৩১ ডিচেম্বৰৰ মাজনিশালৈকে নিষেধাজ্ঞা কিয় আৰোপ কৰা হোৱা নাছিল বুলিও প্ৰশ্ন কৰে অজিত কুমাৰ ভূঞাই ৷ ৬-৭ মাহ আগতে ক্ষমতাত অধিষ্ঠিত হোৱাৰে পৰা বি জে পি নেতৃত্বাধীন চৰকাৰখনে এটাৰ পিছত এটা এনে সিদ্ধান্ত লৈছে যিবোৰে অসমৰ বিভিন্ন জাতি-জনগোষ্ঠীৰ সাংস্কৃতিক পৰিচয় ধ্বংস কৰাৰ অনেক প্ৰৱণতা স্পষ্ট হৈ পৰিছে (Ajit Kumar Bhuyan against BJP govt) বুলি উল্লেখ কৰে সাংসদ ভূঞাই ।

সাংসদগৰাকীয়ে লগতে কয়, অসম আৰু অসমীয়া জাতিৰ সংস্কৃতিক টানি-আঁজুৰি অসমখনকে উত্তৰ ভাৰতৰ এক প্ৰতিকৃতিৰূপে প্ৰতিষ্ঠা কৰিবলৈ চলোৱা ষড়যন্ত্ৰমূলক পদক্ষেপবোৰ প্ৰতিদিনেই অতি স্পষ্ট ৰূপত ধৰা পৰি আছে । যিবোৰক এই চৰকাৰখনৰ আটাইতকৈ নিন্দনীয় দিশ বুলি ক’বলৈ অকণো দ্বিধাবোধ নকৰোঁ ।

তেওঁ কয় যে, চৰম লাজ আৰু অপমানৰ কথা যে, অসম লোকসেৱা আয়োগৰ পৰীক্ষাৰ পৰা অসমীয়া ভাষাৰ বিষয়টোকে উঠাই দিয়া হ’ল । ইয়াৰ দ্বাৰা এই চৰকাৰখনে আচলতে কাৰ স্বার্থ পূৰণ কৰিবলৈ গৈছে সেয়াও আজি ৰাইজৰ আগত স্পষ্ট ৰূপত ধৰা পৰিছে । যি সময়ত চৰকাৰৰ কৃপাদৃষ্টিৰ আশাত হেজাৰ হেজাৰ অসমীয়া মাধ্যমৰ স্কুল যন্ত্ৰণাত ককবকাই আছে তেনে এটা সময়তে ড৹ হিমন্ত বিশ্ব শৰ্মাৰ বি জে পি চৰকাৰে ৰাজ্যত ১২৬ খন ইংৰাজী মাধ্যমৰ স্কুল স্থাপন কৰিবলৈ সিদ্ধান্ত গ্ৰহণ কৰিছে ।

ইয়াৰ কি পৰিণতি হ'ব সেই কথা বি জে পি চৰকাৰে অনুধাৱন কৰিব নোৱৰাটোহে আটাইতকৈ দুর্ভাগ্যৰ কথা বুলি কয় অজিত কুমাৰ ভূঞাই । ইয়াৰ আগলৈ অসমৰ কোনো এখন চৰকাৰে অসমীয়াৰ ভাষিক পৰিচিতিত কুঠাৰাঘাত কৰিব পৰা এনে কোনো সিদ্ধান্ত লোৱা নাছিল । লগতে তেওঁ অসম চুক্তিৰ ৬ নং দফা আৰু ৬ টা জনগোষ্ঠীক জনজাতিকৰ সম্পৰ্কে কয় যে, যেতিয়াই আমাৰ পৰিচিতি, আমাৰ অস্তিত্ব সুৰক্ষিত কৰাৰ প্ৰশ্ন আহে তেতিয়াই এই চৰকাৰে তাক কাষৰীয়া কৰি উৰুৱাই দিয়াৰ চেষ্টা কৰি আহিছে । এটা বিশেষ ধৰ্মৰ বিৰুদ্ধে উচটনি দি মানুহক মেৰুকৰণ কৰাৰ উদ্দেশ্যে চৰকাৰে নাটক চলাই আছে বুলি কয় সাংসদ অজিত ভূঞাই ।

আনহাতে তেওঁ মুখ্যমন্ত্ৰী পৰিয়ালৰ ভূমি কেলেংকাৰীৰ অভিযোগ (Land grabbing allegation against CM family) সন্দৰ্ভতো কয় যে, মিৰ্জাৰ ওচৰত স্বয়ং মুখ্যমন্ত্ৰী ড৹ হিমন্ত বিশ্ব শৰ্মা আৰু তেওঁৰ পৰিয়ালৰ সদস্য মিলি দুখীয়া কৃষকে পাবলগীয়া ২৯ বিঘাৰো অধিক চৰকাৰী মাটি অবৈধভাৱে হস্তগত কৰাৰ গুৰুতৰ অভিযোগ উঠিছে ।

ৰাইজে আৰু বিৰোধী ৰাজনৈতিক দলসমূহকে ধৰি বিভিন্ন পক্ষই সমগ্ৰ কেলেংকাৰীটোৰ এটা উচ্চ-পৰ্যায়ৰ তদন্ত দাবী কৰি আছে । কিন্তু মুখ্যমন্ত্ৰীজন নিৰ্বিকাৰ । যেন একো হোৱাই নাই । সঁচাকৈ যদি একো হোৱাই নাই বা সকলো বৈধভাৱেই হৈছে তেন্তে এটা উচ্চ পৰ্যায়ৰ নিৰপেক্ষ তদন্ত কৰোৱাবলৈ মুখ্যমন্ত্ৰীজনে ভয় খোৱাৰ কাৰণ কি বুলি প্ৰশ্ন কৰে সাংসদ ভূঞাই ৷

লগতে পঢ়ক:SOP সন্দৰ্ভত সংগীত শিল্পী অংগৰাগ পাপন মহন্তৰ প্ৰতিক্ৰিয়া