গুৱাহাটী,২৭ মে':অসম সাহিত্য সভাৰ ২০২১ বৰ্ষৰ লুম্মেই দাই সাহিত্য বঁটা ঘোষণা । অসম সাহিত্য সভাৰ অন্যতম এই বিশিষ্ট সন্মান লুম্মেৰ দাই সাহিত্য বঁটা-২০২১ অৰুণাচল প্ৰদেশৰ প্ৰসিদ্ধ অসমীয়া সাহিত্যিক পদ্মশ্ৰী য়েছে দৰজে ঠংচিলৈ আগবঢ়োৱা হৈছে । সাহিত্য অকাডেমী বঁটা প্ৰাপক তথা পদ্মশ্ৰী সন্মানেৰে সন্মানিত য়েছে দৰজে ঠংচিলৈ এই বঁটা আগবঢ়োৱাৰ কথা আজি ঘোষণা কৰে অসম সাহিত্য সভাই ।
১ জুনত মঙলদৈত অসম সাহিত্য সভাই তেওঁক এই বঁটা প্ৰদান কৰিব । এই কথা সদৰি কৰিছে অসম সাহিত্য সভাৰ প্ৰধান সম্পাদক যাদব চন্দ্ৰ শৰ্মাই । অসম সাহিত্য সভাৰ মঙলদৈ আঞ্চলিক কাৰ্যালয়ৰ উদ্যোগত আৰু মঙলদৈ জিলা সাহিত্য সভা তথা মঙলদৈ প্ৰেছ ক্লাবৰ সহযোগত মঙলদৈ জিলা পুথিভঁৰাল প্রেক্ষগৃহত এই বঁটা প্ৰদান অনুষ্ঠানৰ আয়োজন কৰা হৈছে।