গুৱহাটী, ৭ এপ্ৰিলঃ আজি ১৪ দিনত ভৰি দিছে ২১ দিনীয়া তলাবন্ধই । যোৱা ২৪ মাৰ্চৰ পৰা ঘোষণা কৰা তলাবন্ধৰ সময়ত বিভিন্ন ঠাইত জনতাই আইন অমান্য কৰাও পৰিলক্ষিত হৈছে । আৰক্ষী-প্ৰশাসনে বাৰম্বাৰ জনতাক লক ডাউন পালন কৰাৰ বাবে অনুৰোধ জনাই আহিছে । ইয়াৰ মাজতো কিন্তু জনতাই ভংগ কৰি আহিছে আইন । আৰক্ষীৰ কঠোৰ পদক্ষেপকো কেৰেপ কৰা নাই জনতাই ।
মঙলবাৰে অধিক তৎপৰ হৈছে মহানগৰ আৰক্ষী । ফাঁচী বজাৰত আইন ভংগকাৰী সকলৰ ওপৰত অধিক কঠোৰ হোৱা পৰিলক্ষিত হৈছে আৰক্ষী । পুৱাৰ ভাগত আৰক্ষীয়ে তালাচি অভিযানত বহু লোকৰ বাহন জব্দ কৰে ফাঁচী বজাৰত । অনুজ্ঞা পত্ৰ অবিহনে, বিভিন্ন প্ৰয়োজনীয় কামৰ কথা কৈ ৰাজপথলৈ ওলাই অহা ব্যক্তি সকলৰ নথিপত্ৰ চাই ব্যৱস্থা গ্ৰহণ কৰিছে আৰক্ষীয়ে ।
ফাঁচী বজাৰত কঠোৰ হৈছে আৰক্ষী প্ৰশাসন