গুৱাহাটী, 3 ছেপ্টেম্বৰ : মহানগৰীৰ মালিগাঁও আদিংগিৰি পাহাৰত পুণৰ এটা প্ৰকাণ্ড নাহৰফুটুকী পিঞ্জৰাবদ্ধ হয় । বুধবাৰে নিশাৰ ভাগত ছাগলী ভক্ষণ কৰিবলৈ আহি আৱদ্ধ হয় নাহৰফুটুকীটো । যোৱা 21 তাৰিখে উক্ত স্থানত নাহৰফুটুকীৰ আক্ৰমণত নিহত হৈছিল শিৱম কুমাৰ নামৰ এটি শিশু । তাৰ পিছতেই ৰাইজৰ অনুৰোধ মৰ্মে গুৱাহাটীৰ ৰেঞ্জাৰ পংকজ কলিতাৰ নেতৃত্বত বন বিভাগৰ এটা দলে অঞ্চলটোত পিঞ্জৰা স্থাপন কৰে ৷
স্থানীয় লোকৰ প্ৰতিক্ৰিয়া
বন বিভাগৰ এই ফান্দত প্ৰথমে যোৱা 26 তাৰিখে এটা নাহৰফুটুকী পৰে আৰু বুধবাৰে নিশা পুণৰ পিঞ্জৰাত আৱদ্ধ হয় এইটো প্ৰকাণ্ড নাহৰফুটুকী । বিগত কেইবাদিন ধৰি আদিংগিৰি অঞ্চলটোত ত্ৰাসৰ সৃষ্টি কৰি আহিছিল নাহৰফুটুকীয়ে । বৰ্তমানো 4-5 টা নাহৰফুটুকী আদিংগিৰিত থকা বুলি জানিবলৈ দিলে স্থানীয় ৰাইজে । তথাপি নিশা নাহৰফুটুকীটো আৱদ্ধ হোৱাৰ পাছত স্বস্তিৰ নিশ্বাস পেলাইছে অঞ্চলটোৰ ৰাইজে ।
বন বিষয়া পংকজ কলিতাৰ মন্তব্য