গুৱাহাটী, ২৪ জানুৱাৰী: বি পি এফৰ তিনি বিধায়কে বিজেপি বা চৰকাৰৰ পক্ষত অৱস্থান কৰা ঘটনাৰ বাবে কোনো খেদ নাই বিৰোধী দলপতি দেৱব্ৰত শইকীয়াৰ (Debabrat Saikia comments on BPF's freindship with BJP)। সোমবাৰে স্পষ্টকৈ এই কথা ক'লে বিৰোধী দলপতি গৰাকীয়ে । তেওঁ আৰু কয় যে, বি পি এফৰ লগত কংগ্ৰেছে মিত্ৰ হৈ থকা কাৰ্যৰ তেওঁ পূৰ্বৰে পৰাই বিৰোধিতা কৰি আহিছিল ।
বিপিএফ-বিজেপিৰ মিত্ৰতাত কোনো খেদ নাই দেৱব্ৰত শইকীয়াৰ
হাগ্ৰামা মহিলাৰীক এজন সুবিধাবাদী নেতা বুলি আখ্যা দি বিৰোধী দলপতি গৰাকীয়ে কয় যে, আগৰে পৰাই হাগ্ৰামা মহিলাৰীয়ে নিজেই কৈ আহিছে যে তেওঁ এজন সুবিধাবাদী । যিটো দল ক্ষমতাত থাকিব তেওঁৰ দলো সেইটো দলৰ সৈতেই থাকিব । গতিকে তেওঁ এতিয়া বিজেপিমুখী হোৱাত আচৰিত হ’বলগীয়া একো নাই বুলি মন্তব্য কৰে দেৱব্ৰত শইকীয়াই (Debabrat Saikia criticizes on Hagrama Mahilary)।