মা কামাখ্যা ধামত হাহাকাৰ !

মা কামাখ্যা ধামৰ মন্দিৰ পৰিচালনাৰ সমিতিৰ বিৰুদ্ধে অভিযোগ উত্থাপন কৰে দৰ্শনাৰ্থীয়ে

গুৱাহাটী,২০ এপ্ৰিল : শনিবাৰে মা কামাখ্যা ধামত সৃষ্টি হয় হাহাকাৰৰ । পুৱাৰে পৰা দীঘলীয়া শাৰী পাতি থকা সাধাৰণ দৰ্শনাৰ্থীয়ে সন্ধিয়া দৰ্শন কৰিবলগীয়া হয় মন্দিৰ । যাৰ বাবে বিভিন্ন স্থানৰ পৰা অহা সাধাৰণ দৰ্শনাৰ্থীয়ে মন্দিৰ পৰিচালনাৰ সমিতিৰ ওপৰত ক্ষোভিত হৈ পৰে । কেৱল ৫০০টকীয়া টিকট কটা দৰ্শনাৰ্থীসকলক অধিক গুৰুত্ব প্ৰদান কৰাৰ অভিযোগ উত্থাপন কৰে সাধৰণ দৰ্শনাৰ্থীসকলে ।

ইফালে কেৱল ধনী মানুহৰ বাবেহে দেৱী মা বুলি কামাখ্যা মন্দিৰ পৰিচালনা সমিতিক প্ৰশ্ন কৰে ভক্তসকলে । তাৰোপৰি বহুটো বহিঃৰাজ্যৰ দৰ্শনাৰ্থীয়ে মন্দিৰ কৰ্তৃপক্ষৰ পৰিচালনা নিয়মত তীব্ৰ অসন্তুষ্টি ব্যক্ত কৰে ।