গুৱাহাটী, 15 ডিচেম্বৰ : অসহায় যুৱতীক ৰক্ষা কৰিবলৈ গৈ আক্ৰমণৰ বলি অসমৰ এটা ব্যক্তিগত টিভি চেনেলৰ সাংবাদিক আফনুৰ আলী । নিশা গুৱাহাটী চিকিৎসা মহাবিদ্যালয় চৌহদত সংঘটিত হয় এই ঘটনাটো । পংকজ বৈশ্য নামৰ এজন লোকে GMCHৰ নাৰ্ছ পলী চেতিয়াক আক্ৰমণৰ বাবে উদ্যত হৈছিল । তেনেতে সাংবাদিকগৰাকীয়ে অসহায় নাৰ্ছগৰাকীক ৰক্ষা কৰিবলৈ যোৱাত দাৰে ঘপিয়াই সাংবাদিক আফনুৰ আলীক ।
গুৱাহাটীত আক্ৰমণৰ বলি সাংবাদিক
দুৰ্বৃত্তটোৰ আক্ৰমণত গুৰুতৰভাৱে আঘাতপ্ৰাপ্ত হয় নাৰ্ছগৰাকীৰ লগতে সাংবাদিক আফনুৰ । সম্প্ৰতি দুয়োকে গুৱাহাটী চিকিৎসা মহাবিদ্যালয়ত ভৰ্তি কৰোৱা হৈছে । ইফালে ভঙাগড় আৰক্ষীয়ে গ্ৰেপ্তাৰ কৰিছে আক্ৰমণকাৰী পংকজ বৈশ্যক । জানিব পৰা মতে, প্ৰেমৰ পৰিণতিতে নাৰ্ছগৰাকীক হত্যা কৰিবলৈ যোৰহাটৰ পৰা আহিছিল পংকজ ।