যোৰাবাটত ব্ৰাউন চুগাৰসহ যুৱক আটক

তীব্ৰতৰ হৈছে যোৰাবাট আৰক্ষীৰ ড্ৰাগছ বিৰোধী অভিযান ৷ শেহতীয়াকৈ যোৰাবাট আৰক্ষীৰ জালত পৰিল ড্ৰাগছসহ যুৱক ৷

গুৱাহাটী, 18 অক্টোবৰ: অসম-মেঘালয়ৰ সীমান্তৱৰ্তী যোৰাবাটত দিনক দিনে বৃদ্ধি পাইছে ড্ৰাগছ সৰবৰাহকাৰীৰ প্ৰকোপ ৷ দৈনিক যোৰাবাট আৰক্ষীৰ জালত পৰিছে ড্ৰাগছসহ সৰবৰাহকাৰী ৷ শুকুৰবাৰে যোৰাবাট আৰক্ষীয়ে গোপন সুত্ৰৰ পৰা লাভ কৰা তথ্যৰ ভিত্তিত যোৰাবাট আৰক্ষী চকীৰ সন্মুখত থকা ৰাষ্ট্ৰীয় ঘাইপথৰ নাকা চেকিংত অভিযান চলাই অবৈধ ব্ৰাউন চুগাৰসহ আটক কৰে এজন যুৱকক ৷ আটকাধীন যুৱকজনৰ নাম চাহিদ মাৰবিনেন ৷ আৰক্ষীৰ সুত্ৰই প্ৰকাশ কৰা মতে গুৱাহাটীৰ পানবজাৰৰ পৰা বৰ্ণিহাটলৈ বাইকেৰে এই ব্ৰাউন চুগাৰখিনি নি আছিল ধৃত চাহিদে ৷ ঘটনা সন্দৰ্ভত যোৰাবাট আৰক্ষীয়ে এন ডি পি এছৰ অধীনত গোচৰ ৰুজু কৰি ইতিমধ্যে তদন্ত আৰম্ভ কৰিছে ৷ যুৱকজনক জেৰা কৰাৰ পাছতহে অধিক তথ্য পোহৰলৈ আহিব ৷