গুৱাহাটী,৩১মে' : শুকুৰবাৰে গুৱাহাটী প্ৰেছ ক্লাৱত জাতীয়তাবাদ পুনৰ নিৰ্মাণ সমিতিৰ প্ৰথম বৰ্ষপূতি উপলক্ষে এখন আলোচনা চক্ৰ অনুষ্ঠিত হয় । আলোচনা চক্ৰত আঞ্চলিক-ৰাজনৈতিক দলৰ নামত অসমত কেৱল সুবিধাবাদৰ ৰাজনীতি চলি আছে বুলি মন্তব্য কৰে জাতীয়তাবাদ পুনৰ নিৰ্মাণ সমিতি অসমৰ সম্পাদক ৰাজকুমাৰ বৈশ্যই । লগতে সম্পাদক গৰাকীয়ে কয় "অসমৰ ৰাইজৰ আস্থা হেৰাই গৈছে ৰাজনৈতিক নেতাসকলৰ ওপৰৰ পৰা" । সাধাৰণ ৰাইজে নেতাসকলক দালাল বুলিয়ে ভাবে । ইয়াৰোপৰি বহু সংগঠনে কেব বিৰোধী আন্দোলনৰ নামত নাটক কৰিছে বুলি মন্তব্য কৰি সম্পাদকগৰাকীয়ে কয় যে, তাৰ বাবে ৰাইজে সংগঠনসমূহক ঘৃণাৰ চকুৰে চাবলৈ লৈছে ।
গুৱাহাটী প্ৰেছ ক্লাৱত জাতীয়তাবাদ পুনৰ নিৰ্মাণ সমিতিৰ প্ৰথম বৰ্ষপুতি অনুষ্ঠান