বিজেপি মিত্ৰজোঁটক প্ৰত্যাখ্যান কৰকঃ ন্যায় আৰু সততা দাবী সমিতি

বিজেপি মিত্ৰজোঁটক এইবাৰ নিৰ্বাচনত ৰাইজে প্ৰত্যাখ্যান কৰক ৷ বিজেপিক এইবাৰ কোনো কাৰণতে শাসনলৈ আহিবলৈ নিদিব ৷ এই দাবী ন্যায় আৰু সমতা দাবী সমিতিৰ ৷

গুৱাহাটী,26 মাৰ্চঃ বৃহস্পতিবাৰে গুৱাহাটী প্ৰেছ ক্লাৱত ন্যায় আৰু সততা দাবী সমিতিৰ হৈ সংবাদমেল সম্বোধন কৰিছিল অধিবক্তা হাফিজ ৰছিদ চৌধুৰী, আব্দুল মান্নান আৰু মেহদী আলম বৰাই ৷ বিধানসভা নিৰ্বাচনৰ প্ৰাকক্ষণত ৰাইজলৈ এই বিশেষ আহ্বান সংগঠনটোৰ ৷ সংগঠনটোৰ অভিযোগ, বিজেপি মিত্ৰজোঁট চৰকাৰে প্ৰতিশ্ৰুতি পালনত ব্যৰ্থ হৈছে ৷ জনবিৰোধী কাৰ্যকলাপত লিপ্ত হৈছে বিজেপি নেতৃত্বাধীন সোণোৱাল চৰকাৰ ৷ সেয়েহে এইবাৰৰ নিৰ্বাচনত বিজেপিক উৎখাত কৰিব লাগে বুলি মন্তব্য় কৰে ন্যায় আৰু সততা দাবী সমিতি কৰ্মকৰ্তাই ৷

আনহাতে, বৃহস্পতিবাৰৰ সংবাদমেলত ৰাজ্যৰ নাগৰিক সকলক ৰাইজৰ পক্ষত থকা শক্তিক সমৰ্থন জনাবলৈ আহ্বান জনালে সংগঠনটোৱে ৷ বিজেপি মিত্ৰজোঁটৰ পৰিৱৰ্তে কংগ্ৰেছ, বামপন্থী নেতৃত্বাধীন মহাজোঁটক সুযোগ দিয়াৰ আহ্বান ন্যায় আৰু সততা দাবী সমিতিৰ ৷

লগতে পঢ়কঃঅংকিতা দত্তৰ ব্যতিক্ৰমী প্ৰতিবাদ