গুৱাহাটী, ১৪ আগষ্ট: গৃহৰক্ষী বাহিনীৰ দৰমহা বৃদ্ধিৰ বাবে উচ্চ ন্যায়ালয়ে দিয়া নিৰ্দেশ তিনিমাহৰ ভিতৰত কাৰ্যকৰী কৰাৰ বাবে দাবী জনাইছে সদৌ অসম প্ৰশিক্ষণপ্ৰাপ্ত গৃহৰক্ষী সন্থাই (Allowance of Assam home guard) । গুৱাহাটী প্ৰেছ ক্লাৱত শনিবাৰে এক সংবাদমেল সম্বোধন কৰি সন্থাৰ সভাপতি কামাখ্যা দাসে চৰকাৰলৈ এই আহ্বান জনায় (Home Guards demand to implement the HC order) ৷
কামাখ্যা দাসে সংবাদমেলত কয় যে, উচ্চতম ন্যায়ালয়ে ২০১৫ চনৰ ১১ মাৰ্চত সম কামৰ সম দৰমহা গৃহৰক্ষীসকল দিয়াৰ বাবে নিৰ্দেশ দিছিলে (High Court orders hike in wages of Assam Home Guards) । কিন্তু উচ্চতম ন্যায়ালয়ৰ নিৰ্দেশৰ পাছতো ৰাজ্যত গৃহৰক্ষী জোৱানে নাপালে বৰ্ধিত দৰমহা । যাৰবাবে ২০২০ চনত গুৱাহাটী উচ্চ ন্যায়ালয়ত দৰমহা বৃদ্ধিক লৈ সন্থাই আবেদন কৰিছিল । এই আবেদনৰ ভিত্তিত গুৱাহাটী উচ্চ ন্যায়ালয়ে তিনিমাহৰ ভিতৰত বৰ্ধিত দৰমহা আদায়ৰ নিৰ্দেশ দিছিল চৰকাৰক ৷