১০০ জন বিধায়ক জিকাই অনাৰ দায়িত্ব হিমন্ত বিশ্ব শৰ্মাৰ

আগন্তুক বিধানসভা নিৰ্বাচনত 100 জন বিধায়কক অকলেই জিকাই অনাৰ লগতে বিজেপি আৰু আন দলৰ বন্ধুসকলকো জয়ী কৰাই আনিব বুলি উল্লেখ কৰে মন্ত্ৰী ড0 হিমন্ত বিশ্ব শৰ্মাই ৷

গুৱাহাটী, ২5 আগষ্ট: আগন্তুক বিধানসভা নিৰ্বাচনত 100 জন বিধায়কক অকলেই জিকাই অনাৰ দায়িত্ব গ্ৰহণ কৰে মন্ত্ৰী ড0 হিমন্ত বিশ্ব শৰ্মাই । কেৱল বিজেপিৰে নহয়, আন দলত থকা 'বন্ধু' সকলকো জয়ী কৰাই আনিব বুলি সাংবাদিকৰ আগত প্ৰকাশ কৰে মন্ত্ৰী ডঃ শৰ্মাই ।

মন্ত্ৰী ড0 হিমন্ত বিশ্ব শৰ্মাই ইয়াৰ লগতে কয়, "চৰকাৰ গঠন কৰিবলৈ দাবী জনাব পৰাকৈ যিমান সংখ্যক বিধায়কৰ প্ৰয়োজন সিমান সংখ্যক বিধায়কক জিকাই অনাৰ দায়িত্ব মোৰ ৷" ইয়াৰোপৰি, বৰ্তমানৰ সকলো বিজেপিৰ বিধায়কে ২০২১ চনৰ নিৰ্বাচনত টিকট নাপাব বুলি উল্লেখ কৰি মন্ত্ৰীগৰাকীয়ে কয় যে, বিধায়কসকলৰ কৰ্মদক্ষতাৰ ওপৰতহে নিৰ্ভৰ কৰিব পুনৰ প্ৰাৰ্থিত্ব লাভ কৰাৰ বিষয়টো ৷

ইয়াৰ পাছতেই প্ৰাক্তন মুখ্যমন্ত্ৰী তৰুণ গগৈৰ সমালোচনাত পুনৰ মুখৰ হৈ পৰে ডঃ শৰ্মা । মন্ত্ৰীগৰাকীয়ে গগৈৰ শৰীৰত বহুতৰে তেজ থকা বুলি দাবী কৰি প্ৰকৃততে তেওঁৰ শৰীৰত আজমলৰ তেজহে আছে বুলি তীৰ্যক মন্তব্য কৰে ডঃ হিমন্ত বিশ্ব শৰ্মাই ।

লগতে পঢ়ক :শিৱসাগৰৰ ৰাধিকা এতিয়া বহুজনৰ বাবেই আদৰ্শ