অসম আৰক্ষীৰ মুখ্য কাৰ্যালয়ৰ সমীপত চোৰে চলালে তাণ্ডৱ

উলুবাৰীৰ অসম আৰক্ষীৰ মুখ্য কাৰ্যালয়ৰ সমীপৰ পৰা চোৰে লুটি নিলে নগদ ধনৰ লগতে সোণৰ অলংকাৰ ৷

গুৱাহাটী, ২৯ মাৰ্চঃ গুৱাহাটী মহানগৰীত চোৰৰ তাণ্ডৱ । শুকুৰবাৰে মহানগৰীৰ উলুবাৰীস্থিত অসম আৰক্ষীৰ মুখ্য কাৰ্যালয়ৰ সমীপত থকা অভিজিৎ কলিতা নামৰ লোকজনৰ ঘৰত চোৰে চলায় তাণ্ডৱ ।

চোৰে ঘৰৰ গৰাকীৰ পৰা লুটি লৈ যায় নগদ ১৫ হাজাৰ ধনৰ লগতে সোণৰ অলংকাৰ । ঘৰৰ গৰাকী চিকিৎসালয়ত উপস্থিত থকাৰ সুযোগ বুজি চোৰে লুট-পাত চলাই থান বানকৰি থৈ যায় ঘৰৰ সকলো সা-সামগ্ৰী ।