গুৱাহাটী, 14 জুলাই:কৰ'ণাৰ লগতে ৰাজ্যত এতিয়া বানৰ তাণ্ডৱ । গুৱাহাটী মহানগৰীটো দেখা পোৱা গৈছে বানৰ বিভীষিকা । কৰ'ণাৰ হটস্পট পাণ্ডুত এতিয়া বানৰ সংহাৰী ৰূপ । পাণ্ডুৰ টেম্পলঘাট, 5নং কলনী, 6নং কলনী, পুৰণা বজাৰ আদি অঞ্চল বানৰ কৱলত । কৰ'ণাৰ লগতে বানৰ বাবে হাহাকাৰ পৰিস্থিতিৰ সৃষ্টি হৈছে জনতাৰ ।
জালুকবাৰী সমষ্টিত অস্থায়ী শিবিৰ স্থাপন বানাক্ৰান্তৰ
নেৰানেপেৰা বৰষুণ আৰু ব্ৰহ্মপুত্ৰৰ জলস্তৰ বৃদ্ধি হোৱাৰ বাবেই এই পৰিস্থিতিৰ উদ্ভৱ হৈছে মহানগৰীত । ইফালে নিৰাপদ স্থান বিচাৰি ৰাজপথলৈ ওলাই আহিল বন্যাৰ্ত । বৰ্তমানলৈ চৰকাৰ-প্ৰশাসনে বন্যাৰ্তৰ কোনো খা-খবৰ নোলোৱাৰো অভিযোগ তুলিছে স্থানীয় লোকে । যাৰ বাবে ক্ষোভ প্ৰকাশ কৰিছে দুৰ্ভগীয়া জনতাই ।