গুৱাহাটী, 27 নৱেম্বৰ: বুধবাৰে মহানগৰীস্থিত মাছখোৱাৰ প্ৰাগজ্যোতি সাংস্কৃতিক প্ৰকল্পৰ প্ৰেক্ষাগৃহত অনুষ্ঠিত হৈ যায় অসম সাহিত্য সভাৰ 2019 বৰ্ষৰ সমাৱৰ্তন অনুষ্ঠান ৷ এই বিশেষ অনুষ্ঠানত মুখ্য অতিথি হিচাপে উপস্থিত থাকে চুবুৰীয়া মেঘালয়ৰ ৰাজ্যপাল তথাগত ৰয়, অসম সাহিত্য সভাৰ সভাপতি পৰমানন্দ ৰাজবংশীৰ লগতে প্ৰাক্তন সভাপতি ডা৹ ধ্ৰুৱজ্যোতি বৰাকে আদি কৰি ভালে সংখ্যক গণ্য-মান্য ব্যক্তি ৷ এই অনুষ্ঠানতে সভাই সাহিত্যচাৰ্য বঁটা প্ৰদান কৰে বিশিষ্ট সাহিত্যিক তথা মিছিং ভাষা সাহিত্যৰ পুৰোধা ব্যক্তি লগতে সভাৰ প্ৰাক্তন সম্পাদক নাহেন্দ্ৰ পাদুন আৰু সাহিত্যিক, নাট্যকাৰ ড৹ পৰাগ কুমাৰ ভট্টাচাৰ্যক ৷ লগতে শিক্ষাৰ ক্ষেত্ৰত দেখুওৱা পাৰদৰ্শিতাৰ বাবে শিক্ষাচাৰ্য বঁটা প্ৰদান কৰা হয় মেঘালয়ৰ বিজ্ঞান আৰু প্ৰযুক্তিবিদ্যা বিশ্ববিদ্যালয়ৰ আচাৰ্য মহবুল হকক । এই বঁটা গ্ৰহণ কৰি স্বাভাৱিকতে সুখী বুলি সাংবাদিকৰ আগত জানিবলৈ দিয়ে তিনিগৰাকী বিশিষ্ট ব্যক্তিয়ে ৷
অসম সাহিত্য সভাৰ 2019 বৰ্ষৰ সমাৱৰ্তন সম্পন্ন
সভাৰ প্ৰাক্তন সম্পাদক নাহেন্দ্ৰ পাদুন, কবি ড৹ পৰাগ কুমাৰ ভট্টাচাৰ্যক সাহিত্যচাৰ্য বঁটা ৷ শিক্ষাবিদ মকবুল হকলৈ আগবঢ়োৱা হ'ল এই বৰ্ষৰ শিক্ষাচাৰ্য বঁটা ৷
অসম সাহিত্য সভাৰ 2019 বৰ্ষৰ সমাৱৰ্তন সম্পন্ন
অসম সাহিত্য সভাৰ 2019 বৰ্ষৰ সমাৱৰ্তন সম্পন্ন