গুৱাহাটী, 2 ফেব্ৰুৱাৰী : উন্নয়নৰ ঢাক ঢোল বজোৱা চৰকাৰৰ উন্নয়নৰ আন এক ফোঁপোলা স্বৰূপ প্ৰকাশ পাইছে ৷ বিগত ৫ বছৰে বন্ধ হৈ আছে বিৰুবাৰীস্থিত চৰকাৰী কুকুৰা ফাৰ্ম ৷ ফাৰ্মৰ কৰ্মচাৰী বনৰছাদ আলীয়ে জানিবলৈ দিয়া অনুসৰি, ২০১৫ চনৰ পৰাই বন্ধ হৈ আছে ফাৰ্মখন ৷
আলীয়ে কয় যে, বন্ধ হোৱাৰ আগলৈকে কৰ্মচাৰীসকলে বনৰজা প্ৰজাতিৰ কুকুৰা উৎপাদন কৰি ৭০০টাৰ পৰা ৩৫০টা কণী উৎপাদন কৰিছিল ৷ বহু আত্মসহায়ক গোটক স্বাৱলম্বী কৰাৰ বাবে বনৰজা কুকুৰা পোৱালি ৯:১ (মতা মাইকী হিচাপ) দিয়া হৈছিল ৷ ইয়াৰ দ্বাৰা আত্মসহায়ক গোটসমূহো উপকৃত হৈছিল ৷ কিন্তু, ২০১৬ চনত ফাৰ্ম কৰ্তৃপক্ষৰ হাতত জমা থকা সমুদায় ধন বিভাগে ঘূৰাই লোৱাৰ পাচৰে পৰা ফাৰ্মখনৰ সকলো উৎপাদন বন্ধ হৈ আছে ৷
৫ বছৰে বন্ধ চৰকাৰী কুকুৰা ফাৰ্ম