গুৱাহাটী, 1 মাৰ্চ: দেওবাৰে মহানগৰীৰ পশু চিকিৎসা মহাবিদ্যালয় খেলপথাৰত অনুষ্ঠিত হয় প্ৰথম নৈশ গুৱাহাটী মাৰাথন । নিশা 7 বজাত অনুষ্ঠিত কৰা নৈশ গুৱাহাটী মাৰাথনত দেশৰ বিভিন্ন প্ৰান্তৰ দৌৰবিদৰ লগতে অংশগ্ৰহণ কৰে কেইবাগৰাকী বিদেশী দৌৰবিদে । প্ৰায় পাঁচ হাজাৰ দৌৰবিদে অংশগ্ৰহণ কৰা নৈশ গুৱাহাটী মাৰাথনত দেখা পোৱা যায় বৃদ্ধৰ পৰা শিশুক । অচমাকাম ফাউণ্ডেশ্বন নামৰ এক বেচৰকাৰী সন্থাই আয়োজন কৰা নৈশ গুৱাহাটী মাৰাথন নিশাৰ ভাগত অনুষ্ঠিত কৰা প্ৰথমখন মাৰাথন ।
নৈশ গুৱাহাটী মাৰাথনত বিদেশী খেলুৱৈ
তিনিটা ভাগত বিভক্ত গুৱাহাটী মাৰাথনত সৰ্বমুঠ 12.5 লাখ টকাৰ পুৰস্কাৰ প্ৰদান কৰা হয় প্ৰতিযোগী সকলক । খেলৰ প্ৰতি আগ্ৰহী লোক সকলক উৎসিত কৰিবলৈ অসম আৰক্ষীৰ কেইবাগৰাকী বিষয়া জড়িত থকা অচমাকাম ফাউণ্ডেশ্বনে গুৱাহাটী মাৰাথন অনুষ্ঠিত কৰিবলৈ আগুৱাই আহে ।