গুৱাহাটী, ২ মে' : কেন্দ্ৰীয় চৰকাৰে বিভিন্ন ৰাজ্যত আৱদ্ধ হৈ থকা লোক সকলক নিজা নিজা ৰাজ্যলৈ ঘূৰাই পঠিয়াবলৈ সিদ্ধান্ত লোৱাৰ পাছতেই শুকুৰবাৰে এক গুৰুত্বপূৰ্ণ বৈঠকত মিলিত হয় মুখ্যমন্ত্ৰী সৰ্বানন্দ সোণোৱাল ।
মুখ্যমন্ত্ৰীৰ চৰকাৰী বাসগৃহত অনুষ্ঠিত হোৱা এই বৈঠকত উপস্থিত থাকে স্বাস্থ্য মন্ত্ৰী ডঃ হিমন্ত বিশ্ব শৰ্মা আৰু পৰিবহণ মন্ত্ৰী চন্দ্ৰমোহন পাটোৱাৰী আদিকে ধৰি বহু উচ্চ বিষয়ববীয়া । এই বৈঠকত কি প্ৰক্ৰিয়াৰে আৱদ্ধ হৈ থকা লোক সকলক অসমলৈ ঘূৰাই আনিব পৰা যায় সেই সম্পৰ্কে নীতি নিৰ্ধাৰণ কৰা হৈছে বুলি জানিব পৰা গৈছে ।