মহানগৰীৰ পৰা ৰহস্যজনকভাৱে সন্ধানহীন কিশোৰ

মহানগৰী গুৱাহাটীত দিনক দিনে বৃদ্ধি পাইছে অপৰাধজনিত ঘটনা ৷ শেহতীয়াকৈ নাৰেংগীত বিগত শুকুৰবাৰ পৰাই নিৰুদ্দেশ হৈ আছে দুটি কিশোৰ ৷ ধ্ৰুৱ বৰ্মণ আৰু সঞ্জীৱ চাঁও নামৰ কিশোৰ দুটিৰ সন্ধান উলিওৱাত ব্যৰ্থ হৈছে মহানগৰ আৰক্ষী ৷

গুৱাহাটী, 3 ডিচেম্বৰঃ মহানগৰী গুৱাহাটীত দিনক দিনে বৃদ্ধি পাইছে অপৰাধজনিত ঘটনা ৷ চোৰাং সামগ্ৰীৰ পৰা আৰম্ভ কৰি নিষিদ্ধ ড্ৰাগছলৈ একপ্ৰকাৰ অপৰাধীৰ ৰম্যভূমিলৈ ৰূপান্তৰিত হৈছে মহানগৰী ৷ আৰক্ষীৰে গিজগিজাই থকা মহানগৰীত অপৰাধ ৰোধত চূড়ান্তৰূপে ব্যৰ্থ হৈছে আৰক্ষী প্ৰশাসন ৷

নুনমাটি থানাত দাখিল কৰা এজাহাৰৰ ফটো

শেহতীয়াকৈ মহানগৰীৰ সমীপৱৰ্তী নাৰেংগীৰ পৰা নিখোজ হৈছে দুটিকৈ কিশোৰ ৷ নাৰেংগীৰ আদৰ্শ জাতীয় বিদ্যালয়ৰ সমীপৰ বাবুবস্তিৰ পৰা নিখোজ হৈছে ধ্ৰুৱ বৰ্মণ আৰু সঞ্জীৱ চাঁও নামৰ কিশোৰ দুটা ৷ শুকুৰবাৰে বিদ্যালয়লৈ বুলি ওলাই যোৱাৰ পিচৰে পৰাই ৰহস্যজনকভাৱে নিখোজ হৈ আছে দুয়োজন কিশোৰ ৷ ঘটনা সন্দৰ্ভত পৰিয়ালৰ লোকে নুনমাটি থানাত এজাহাৰ দাখিল কৰিছে যদিও এতিয়ালৈকে কোনো সম্ভেদ লাভ কৰা নাই আৰক্ষীয়ে ৷ কোনো লোকে কিশোৰ দুটিৰ সম্ভেদ পালে 6901224294 নম্বৰত যোগাযোগ কৰিবলৈ আহ্বান জনাইছে দুৰ্ভগীয়া পৰিয়ালটোৱে ৷

লগতে পঢ়কঃ ভূপাল গেছ দুৰ্ঘটনাৰ 35 টা বছৰঃ প্ৰাপ্য বিচাৰি সংগ্ৰাম ভুক্তভোগীৰ