বাইহাটা, 9 মে':2 মে’ তাৰিখে ঘোষণা হোৱা নিৰ্বাচনৰ ফলাফলত বিজেপিৰ মিত্ৰজোঁটে জনাদেশ লাভ কৰাৰ পাচত মুখ্যমন্ত্ৰীৰ প্ৰাৰ্থীত্ব লৈ আৰম্ভ হৈছিল ব্যাপক চৰ্চা ৷ অৱশেষত বিজেপিৰ উচ্চস্তৰীয় নেতৃত্বই ঘোষণা কৰে অসমৰ মুখ্যমন্ত্ৰী গৰাকীৰ নাম । জালুকবাৰী সমষ্টিৰ বিধায়ক ড৹ হিমন্ত বিশ্ব শৰ্মা হ'ল অসমৰ নতুন মুখ্যমন্ত্ৰী ।
ড৹ হিমন্ত বিশ্ব শৰ্মাৰ নাম মুখ্যমন্ত্ৰী হিচাপে ঘোষণা হোৱাৰ পিচতেই জালুকবাৰী সমষ্টিৰ অন্তৰ্গত বাইহাটা চাৰিআলিৰ শালমাৰাত দেখা গ'ল বিজেপি কৰ্মীৰ মাজত আনন্দৰ জোৱাৰ । ক’ভিড প্ৰট’কল মানি ফটকা ফুটাই আনন্দ উৎসৱ পালন কৰে সমষ্টিবাসীয়ে । জালুকবাৰী সমষ্টিৰ লগতে সমগ্ৰ অসমখনকে আগবঢ়াই নিব বুলি আশাবাদী জালুকবাৰী সমষ্টিৰ ৰাইজ ৷ উল্লেখ্য যে শ্ৰীমন্ত শংকৰদেৱ কলাক্ষেত্ৰৰ আন্তঃজাৰ্তিক প্ৰেক্ষাগৃহত সোমবাৰে শপতবাক্য পাঠ কৰিব ড৹ হিমন্ত বিশ্ব শৰ্মাই ৷
লগতে পঢ়ক :দিল্লীৰ ব্লু-প্ৰিণ্ট: হিমন্তই হ’ব পৰৱৰ্তী মুখ্যমন্ত্ৰী
