নিউজ ডেস্ক, 10 জানুৱাৰী :মহানগৰ আৰক্ষীৰ দিশপুৰ থানাৰ যানবাহন শাখাত কৰ্মৰত কনিষ্টবল অমিয় কলিতাৰ ফটো সামাজিক মাধ্যমত ভাইৰেল হৈ পৰিছিল ৷ দিশপুৰত আন্তঃগাঁথনিগত নিৰ্মাণ কাৰ্য হৈ থকাৰ সময়তে সামাজিক মাধ্যমত ভাইৰেল হৈ পৰিছিল পাইপেৰে পানী দি পথ চাফা কৰি থকা অমিয় কলিতাৰ এখন ফটো ৷ কলিতাৰ এই কৰ্তব্যনিষ্ঠাক বহুতেই প্ৰসংশা কৰি সামাজিক মাধ্যম ভৰাই পেলাইছিল ৷
অসম আৰক্ষীয়ে কনিষ্টবল কলিতাৰ ফটোখন টুইটাৰযোগে প্ৰকাশ কৰি তেওঁৰ কৰ্তব্যনিষ্ঠা আৰু "জনহিত জনসেৱাৰ্থে" আপ্তবাক্যশাৰী প্ৰমাণ কৰি দেখুওৱা দায়িত্বৰ বাবে উচ্চহাৰে প্ৰসংশা কৰে কনিষ্টবল অমিয় কলিতাক ৷