গুৱাহাটী, 3 জানুৱাৰী :ৰাজহ সংগ্ৰহৰ ক্ষেত্ৰত অভিলেখ গঢ়িবলৈ সক্ষম হৈছে অসম চৰকাৰৰ আবকাৰী বিভাগে ৷ তিনিমাহ ধৰি লকডাউন পাৰ কৰাৰ পিচতো 2020ৰ ডিচেম্বৰ মাহলৈ বিভাগটোৱে সংগ্ৰহ কৰে বাজেটত ধাৰ্য কৰা মুঠ 1,450 কোটিৰো অধিক কৰ ৷
উল্লেখ্য যে, অসমৰ ৰাজহ সংগ্ৰহৰ সৰ্বাধিক পৰিমানৰ উৎস হৈছে আবকাৰী কৰ ৷ 2020ৰ ডিচেম্বৰত বিভাগে সংগ্ৰহ কৰে 245 কোটিৰ কৰ, যিটো 2019ৰ 135 কোটিৰ তুলনাত অধিক আছিল ৷ বিভাগে এই সন্দৰ্ভত জাৰি কৰা বিজ্ঞপ্তিত এই কথা উল্লেখ কৰিছে ৷ 2019ৰ তুলনাত 2020ত বিভাগটোৰ ৰাজহৰ পৰিমান 18 শতাংশলৈ বৃদ্ধি পায় ৷ বিভাগে 2021 বিত্তীয় বৰ্ষত প্ৰায় 2,000 কোটিৰ ৰাজহ সংগ্ৰহৰ লক্ষ্য নিৰ্ধাৰণ কৰিছে ৷ সেই অনুসৰি, সুৰাৰ ওপৰত থকা ভেট ধৰিলে 2021ত প্ৰায় 3,300 কোটিৰ ৰাজহ সংগ্ৰহ কৰিবলৈ সক্ষম হ’ব বিভাগে ৷
কৰ সংগ্ৰহেৰে অভিলেখ আবকাৰী বিভাগৰ