COVID-১৯ : ৰাজ্যত সক্ৰিয় ৰোগীৰ সংখ্যা 22,733 গৰাকী

ৰাজ্যত অব্যাহত আছে কৰ’ণা ভাইৰাছৰ ভয়ংকৰ সংক্ৰমণ ৷ ৰাজ্যত সোমবাৰে পুনৰ 2,792 গৰাকী লোকৰ দেহত ধৰা পৰে ক’ভিড ভাইৰাছৰ উপস্থিতি ৷ ৰাজ্যত বৰ্তমানেও সংক্ৰিয় ৰোগীৰ সংখ্যা 22,733 গৰাকী ৷

নিউজ ডেস্ক, 18 আগষ্ট: ৰাজ্যত ক্ৰমান্বয়ে বৃদ্ধি পাইছে ক’ভিড-19 ত আক্ৰান্ত ৰোগীৰ সংখ্যা ৷ সোমবাৰৰ দিনটোত পুনৰ নতুনকৈ 2,792 গৰাকী লোকৰ দেহত ধৰা পৰে কৰ’ণা ভাইৰাছৰ উপস্থিতি ৷ ইয়াৰে 458 গৰাকী লোক কামৰূপ মেট্ৰ’ৰ হোৱাৰ বিপৰীতে কামৰূপ গ্ৰাম্যৰ আছে 195 গৰাকী, ডিব্ৰুগড়ৰ 225 গৰাকী আৰু কাছাৰৰ 227 গৰাকীকৈ লোক ৷

ইপিনে যোৱা 24 ঘণ্টাত ৰাজ্যখনত মুঠ 49,510 গৰাকী লোকক ক’ভিড পৰীক্ষা কৰা হৈছে ৷ য’ত 2,792 গৰাকী লোক ক’ভিড পজিটিভ বুলি স্বয়ং স্বাস্থ্যমন্ত্ৰী ড0 হিমন্ত বিশ্ব শৰ্মাই টুইট যোগে প্ৰকাশ কৰে ৷

ইয়াৰ লগে-লগে ৰাজ্যখনত ক’ভিড-19 ত আক্ৰান্ত ৰোগীৰ সংখ্যা বৃদ্ধি পাই হৈছে 79,667 গৰাকী ৷ আনহাতে সোমবাৰৰ দিনটোত 1,519 গৰাকী আক্ৰান্তই আৰোগ্য লাভ কৰিবলৈ সক্ষম হয় ৷ ফলত বৰ্তমানলৈকে আৰোগ্য লাভ কৰা লোকৰ সংখ্যা হৈছে মুঠ 56,734 গৰাকী ৷

ইয়াৰ বিপৰীতে ৰাজ্যখনত এতিয়াও সক্ৰিয় হৈ আছে22,733 টা ঘটনা ৷ ইপিনে বৰ্তমানলৈকে ৰাজ্যত ক’ভিডত মৃত্যু হোৱা লোকৰ সংখ্যা বৃদ্ধি পাই হৈছে 197 গৰাকী ৷

লগতে চাওক-পদ্মবিভূষণ সংগীত শিল্পী পণ্ডিত যশৰাজৰ দেহাৱসান