ৰাজ্যত 40 হাজাৰলৈ বৃদ্ধি কৰ’ণা আক্ৰান্তৰ সংখ্যা

ৰাজ্যত ক্ৰমান্বয়ে বৃদ্ধি পাইছে কৰ’ণা ভাইৰাছৰ ভয়ংকৰ সংক্ৰমণৰ ঘটনা ৷ শুকুৰবাৰৰ দিনটোত পুনৰ মুঠ 1862 গৰাকী লোকৰ দেহত ধৰা পৰে ক’ভিড-19 ৰ উপস্থিতি ৷ ইয়াৰ লগে-লগে ৰাজ্যত আক্ৰান্তৰ সংখ্যা 40 হাজাৰ অতিক্ৰম কৰাৰ বিপৰীতে মৃত্যুৰ সংখ্যা বৃদ্ধি পাইছে 98 গৰাকী ৷

নিউজ ডেস্ক, 1 আগষ্ট : ৰাজ্যত ভয়ংকৰ ৰূপত দিনক দিনে বৃদ্ধি পাইছে ক’ভিড-19 ৰ আক্ৰান্তৰ ৰোগীৰ সংখ্যা ৷ শুকুৰবাৰৰ দিনটোত ৰাজ্যত পুনৰ নতুনকৈ1862 গৰাকী লোকৰ দেহত ধৰা পৰে কৰ’ণা ভাইৰাছৰ উপস্থিতি ৷ ইয়াৰ লগে-লগে ৰাজ্যখনত বৰ্তমানে ক’ভিড-19 ৰ আক্ৰান্তৰ সংখ্যা 40 হাজাৰলৈ অতিক্ৰম কৰিছে ৷

যোৱা 24 ঘণ্টাত ৰাজ্যখনত মুঠ 38324 গৰাকী লোকৰ ক’ভিড টেষ্ট কৰোৱা হৈছে ৷ ইয়াৰে 1862 গৰাকী ক’ভিড পজিটিভ বুলি স্বয়ং স্বাস্থ্যমন্ত্ৰী ড0 হিমন্ত বিশ্ব শৰ্মাই টুইট যোগে প্ৰকাশ কৰে ৷

বৰ্তমানে আক্ৰান্তৰ সংখ্যা হৈছে 40269 গৰাকী ৷ আনহাতে শুকুৰবাৰে দিনটোত 1277 গৰাকীকৈ আক্ৰান্তই আৰোগ্য লাভ কৰিবলৈ সক্ষম হয় ৷ ফলত ৰাজ্যখনত বৰ্তমানলৈকে আৰোগ্য লাভ কৰিবলৈ সক্ষম হৈছে মুঠ 30357 গৰাকীকৈ লোকে ৷ ইয়াৰ বিপৰীতে ৰাজ্যখনত এতিয়াও সক্ৰিয় হৈ আছে 9811 টা ঘটনা ৷ ইপিনে দিনটোত চাৰিজন লোকৰ মৃত্যু হোৱাত বৰ্তমানলৈকে মৃত্যুৰ সংখ্যা বৃদ্ধি পাই হৈছে 98 গৰাকী ৷

লগতে চাওক-অসম চৰকাৰলৈ ভূটানৰ নৃপতিৰ কৃতজ্ঞতা প্ৰদান