গুৱাহাটী, 12 ফেব্ৰুৱাৰী : শেহতীয়াকৈ কৰ্ণাটকৰ হিজাবৰ বিতৰ্ক (Hijab Controversy) ক লৈ সমগ্ৰ দেশতে বিভিন্ন প্ৰতিক্ৰিয়াৰ সৃষ্টি হৈ আছে । উল্লখ্য যে, কৰ্ণাটকত শিক্ষানুষ্ঠানলৈ বোৰ্খা পৰিধান কৰি অহা ছাত্ৰীক প্ৰৱেশত বাধা দিয়াত এই বোৰ্খা বিতৰ্কৰ সূত্ৰপাত ঘটে ৷ এই হিজাব বিতৰ্কক কেন্দ্ৰ কৰি শনিবাৰে মুখ্যমন্ত্ৰী হিমন্ত বিশ্ব শৰ্মা (CM Himanta Biswa Sarma on hijab row) আৰু মুখ্যমন্ত্ৰীৰ ৰাজনৈতিক উপদেষ্টা তথা বিধায়ক জয়ন্তমল্ল বৰুৱা (MLA Jayanta Mallabaruah on hijab row) ই গুৱাহাটীত প্ৰতিক্ৰিয়া প্ৰকাশ কৰে ।
মুখ্যমন্ত্ৰী হিমন্ত বিশ্ব শৰ্মাই কয় যে, শিক্ষানুষ্ঠানত সাজ-পোছাক ডাঙৰ কথা নহয় । শিক্ষানুষ্ঠানত শিক্ষাহে মূল কথা । হজৰত মহম্মদেও শিক্ষা গ্ৰহণৰ ওপৰতহে বেছি গুৰুত্ব দিছিল । লগতে মুখ্যমন্ত্ৰীগৰাকীয়ে কয় যে, সমাজত দুই ধৰণৰ মুছলমান আছে । এবিধ মুছলমান কোৰাণ মানি চলা মুছলমান আৰু আনবিধ ৰাজনৈতিক মুছলমান । ৰাজনৈতিক মুছলমানে অকল ৰাজনৈতিক বিতৰ্ক কৰি থাকিব জানে ।