গুৱাহাটী,৩মাৰ্চ: দেওবাৰে শিল্পী অমূল্য কাকতি স্মাৰক বঁটা প্ৰদান কৰা হয় পংকজ বৰদলৈক । ছাত্ৰ-শিল্পী-সাহিত্যিক কল্যাণ ন্যাসৰ লগতে সদৌ গুৱাহাটী ছাত্ৰ সন্থাই আগবঢ়োৱা এই স্মাৰক বঁটা প্ৰদান কৰে অভিনেত্ৰী মৃদুলা বৰুৱাই । সংগীত জগতলৈ আগবঢ়োৱা নীৰৱ অৱদানৰ বাবে এই বঁটাৰে সন্মান জনোৱা হয় শিল্পী পংকজ বৰদলৈক।
পংকজ বৰদলৈয়লৈ অমূল্য কাকতি স্মাৰক বঁটা ছাত্ৰ সন্থাই আয়োজন কৰা এই অনুষ্ঠানত উপস্থিত থাকে সংগীত আৰু অভিনয় জগতৰ বহুকেইগৰাকী লোকৰ লগতে সদৌ অসম ছাত্ৰ সন্থাৰ সদস্যসকল । উল্লেখ্য যে পংকজ বৰদলৈক সন্মান জনাই বঁটাৰ লগত গামোচা, চেলেং চাদৰ, এৰী চোলাৰ লগতে 25 হাজাৰ নগদ ধন প্ৰদান কৰা হয় । ইপিনে এই বঁটা গ্ৰহণ কৰি আনন্দিত হৈ পৰে পংকজ বৰদলৈ । এই বঁটাৰে সন্মানিত কৰা বাবে তেওঁ সকলোকে ধন্যবাদ জ্ঞাপন কৰে ।
