গুৱাহাটী, 29 জুন :গুৱাহাটী ত্যাগ কৰি বুধবাৰ ওভতিব মহাৰাষ্ট্ৰৰ বিসম্বাদী বিধায়কসকল । গুৱাহাটী এৰাৰ পূৰ্বে একনাথ সিন্দেসহ ৰেডিশ্বন ব্লুত বাহৰ পাতি থকা 48 জন বিধায়কে বিশেষ বাছেৰে কামাখ্যা মন্দিৰলৈ যায় । মন্দিৰত তেওঁলোকে পূজা অৰ্চনা কৰি পুনৰ হোটেললৈ উভতি যায় ।
কামাখ্যা মন্দিৰত মহাৰাষ্ট্ৰৰ বিসম্বাদী বিধায়কসকলৰ পূজা অৰ্চনা
আজি বিয়লি 4 বজাত গোৱালৈ যাব ৰেডিশ্বন ব্লুত বাহৰ পাতি থকা 48 জন বিধায়ক । ইতিমধ্যে বৰঝাৰ বিমানবন্দৰত কটকটীয়া নিৰাপত্তা বেষ্টনি গঢ়ি তোলা হৈছে । গোৱাৰ হোটেল তাজত বুকিং কৰা হৈছে ৭১ টা কোঠা । বৰঝাৰ বিমানবন্দৰত মোতায়েন কৰা হৈছে বিশাল আৰক্ষী বাহিনী, বান্ধি দিয়া হৈছে বেৰিকেড । পৰিস্থিতিৰ বুজ লৈ আছে আৰক্ষীৰ উচ্চ পদস্থ বিষয়াই ।