আন্ত-ৰাষ্ট্ৰীয় পৰ্যায়ত জিলিকিল অসমৰ চাইক্লিষ্ট অভিষেক বি গগৈ

ডুবাইৰ আবুধাবিত অনুষ্ঠিত হোৱা আন্তঃৰাষ্ট্ৰীয় বিশেষ অলিম্পিকৰ চাইক্লিঙত ৰূপৰ পদক লাভেৰে অসম তথা অসমবাসীলৈ গৌৰৱ কঢ়িয়াই আনিছে অভিষেক বি গগৈয়ে ৷ এই প্ৰতিযোগিতাত বিজয়ৰ হাঁহি মাৰি শনিবাৰে স্বগৃহত উপস্থিত হয় ৷

গুৱাহাটী , 23 মাৰ্চ : পুনৰ আন্তঃৰাষ্ট্ৰীয় পৰ্যায়ত জিলিকিল অসম সন্তান ৷ বিশেষবাৱে সক্ষম হৈও অশেষ কষ্ট আৰু সাধনাৰে বিশ্ব দৰবাৰত সাফল্য বুটলিবলৈ সক্ষম হৈছে অভিষেক বি গগৈয়ে ।চলিত মাহৰ 14 তাৰিখৰ পৰা ডুবাইৰ আবুধাবিত অনুষ্ঠিত হোৱা আন্তঃৰাষ্ট্ৰীয় বিশেষ অলিম্পিকৰ চাইক্লিঙত ৰূপৰ পদক লাভেৰে অসমবাসীলৈ গৌৰৱ কঢ়িয়াই আনিছে অভিষেক বি গগৈয়ে ৷

গুৱাহাটীৰ নবীন নগৰৰ নিবাসী বিশেষভাৱে সক্ষম অভিষেকে এই প্ৰতিযোগিতাত বিজয়ৰ হাঁহি মাৰি শনিবাৰে স্বগৃহত উপস্থিত হয় ৷ এই বিশেষ অলিম্পিকত ভাৰতক প্ৰতিনিধিত্ব কৰা উত্তৰ-পূৰ্বাঞ্চলৰ একমাত্ৰ খেলুৱৈ আছিল অভিষেক । অলিম্পিকৰ ১০ কিঃমিঃ চাইকেলিঙত ১৯ মিনিট ২০ ছেকেণ্ডতে গন্তব্য স্থান অতিক্ৰম কৰি প্ৰতিযোগিতাত দ্বিতীয় স্থান লাভ কৰিবলৈ সক্ষম হয় অভিষেকে ।