গুৱাহাটী, 8 জুন :মহানগৰী গুৱাহাটীবাসীৰ বাবে বিশুদ্ধ খোৱা পানী যোগান ধৰাৰ দাবীত গুৱাহাটী ক্লাৱৰ সন্মুখত সদৌ অসম ছাত্ৰ সন্থাৰ প্ৰতিবাদ ৷ হাতে হাতে বেনাৰ-পোষ্টাৰ লৈ চৰকাৰ বিৰোধী শ্লোগানেৰে সদৌ গুৱাহাটী ছাত্ৰ সন্থাই এইদৰে প্ৰতিবাদ সাব্যস্ত কৰে ।
বিভিন্ন সমস্যাৰে জৰ্জৰিত গুৱাহাটী মহানগৰবাসীৰ অন্যতম সমস্যা হৈছে বিশুদ্ধ খোৱা পানী । স্মাৰ্ট চিটিৰ কথা কোৱা চৰকাৰখনে বিগত চাৰি বছৰে নোৱাৰিলে মহানগৰবাসীৰ বিশুদ্ধ খোৱা পানী সমস্যাৰ সমাধান ৷ যাৰ বাবে সোমবাৰে গুৱাহাটীবাসীৰ বাবে বিশুদ্ধ খোৱা পানীৰ দাবীত ৰাজপথলৈ ওলাই আহিবলৈ বাধ্য হ'ল সদৌ গুৱাহাটী ছাত্ৰ সন্থা । গুৱাহাটী ক্লাৱত গুৱাহাটী ছাত্ৰ সন্থাৰ সদস্যসকলে হাতে হাতে বেনাৰ-পোষ্টাৰ লৈ বিভিন্ন চৰকাৰ বিৰোধী শ্লোগানেৰে উত্তাল প্ৰতিবাদ সাব্যস্ত কৰে । ছাত্ৰ সন্থাৰ সদস্যসকলে গুৱাহাটীবাসীৰ বাবে অতি শীঘ্ৰে বিশুদ্ধ খোৱা পানীৰ যোগান ধৰিবলৈ চৰকাৰক দাবী জনায় ।