পুৱা 9 বজাৰ শীৰ্ষ বাতৰি...

পুৱা 9 বজাৰ শীৰ্ষ বাতৰি...

ৰাজ্যৰ দুখীয়া কৰ্কট ৰোগীৰ বাবে সুখবৰ ৷ অসম চৰকাৰ-টাটা ট্ৰাষ্টৰ যৌথ সহযোগত অসমতে দুখীয়া কৰ্কট ৰোগীয়ে বিনামূলীয়াকৈ পাব অত্যাধুনিক চিকিৎসা ৷ স্বাস্থ্যমন্ত্ৰীৰ উপস্থিতিত আছাম কেঞ্চাৰ কেয়াৰ ফাউণ্ডেচন-অটল অমৃত অভিযান ছ'চাইটিৰ মাজত বুজাবুজি চুক্তি স্বাক্ষৰ ৷

মাজত আৰু কেইঘণ্টামান বাকী ৷ দেওবাৰে সমগ্ৰ দেশজুৰি উদযাপন কৰা হ’ব 75 সংখ্যক স্বাধীনতা দিৱস ৷ স্বাধীনতা দিৱস উপলক্ষে ধেমাজিৰ কাছাৰী ময়দানতো জিলা প্ৰশাসনে ব্যাপক প্ৰস্তুতি চলাইছে ৷ ক’ভিড পৰিস্থিতিৰ বাবে এইবাৰ মাত্ৰ আৰক্ষীৰ চাৰিটা দলেহে পেৰেডত অংশ ল’ব ৷ যাৰ বাবে তেওঁলোকে ইতিমধ্যে চলাইছে অনুশীলন । এই সময়চোৱাত যাতে জিলাখনত কোনোধৰণৰ কূটাঘাতমূলক কাৰ্য সংঘটিত হ’ব নোৱাৰে, তাৰ বাবে ব্যাপক কটকটীয়া নিৰাপত্তা ব্যৱস্থা গঢ়ি তুলিছে জিলা প্ৰশাসনে ৷

ভাৰতৰ ষ্টেণ্ড-আপ কমেডিয়ানসকলৰ মাজৰ অন্যতম জনি লিভাৰে 64 বছৰত ভৰি দিলে ৷ জনি লিভাৰ হিচাপে পৰিচয় লাভ কৰালৈকে অভিনেতাগৰাকী সন্মুখীন হৈছিল কঠোৰ সংগ্ৰামৰ ৷ সপ্তম শ্ৰেণীতে বিদ্যালয় এৰিব লগা হোৱাৰ পাচত এটা কোম্পানীত কাম কৰাৰ পৰা আৰম্ভ কৰি জনি লিভাৰ হোৱালৈ অভিনেতাগৰাকীয়ে স্বীকাৰ কৰিব লগা হৈছিল বহু কষ্ট ৷

আজি বলীউডৰ মঞ্চ কঁপাই থকা গায়িকা সুনিধি চৌহানৰ জন্মদিন ৷ প্ৰায় 4 বছৰ বয়সৰ পৰাই গীত গাবলৈ আৰম্ভ কৰিছিল সুনিধিয়ে ৷ শিল্পীগৰাকীলৈ থাকিল জন্মদিনৰ বহু শুভকামনা ৷

ক'ভিড পৰিস্থিতিৰ মাজত দেশৰ ৭৫ সংখ্যক স্বাধীনতা দিৱস উদযাপনৰ ক্ষেত্রত চৰকাৰীভাৱে জাৰি কৰা হৈছে কেতবোৰ নীতি-নিৰ্দেশনা । মুকলি ঠাই বা খেলপথাৰত হ’বলগীয়া ৰাজ্যিক পৰ্যায়ৰ স্বাধীনতা দিৱসৰ কাৰ্যসূচীত ১৫০০ তকৈ অধিক লোকৰ সমাগম হ’ব নোৱাৰিব ।

দিছপুৰৰ বিধায়ক আৱাস চৌহদত এতিয়াৰে পৰা জনপ্ৰতিনিধি আৰু তেওঁলোকৰ পৰিয়ালৰ লোকৰ বাবে আৰম্ভ হ'ল বিৰামহীন স্বাস্থ্য সেৱা । শুকুৰবাৰে মুখ্যমন্ত্ৰী ডঃ হিমন্তবিশ্ব শৰ্মাই বিধায়ক আৱাস চৌহদত মুকলি কৰে এটা নতুন স্বাস্থ্য কেন্দ্ৰ । এই কেন্দ্ৰটোত বিধায়ক সকলৰ সেৱাৰ বাবে চৌব্বিশ ঘন্টাই থাকিব চাৰি গৰাকীকৈ চিকিৎসক, আঠ গৰাকীকৈ নাৰ্চ আৰু চাৰি গৰাকী ফাৰ্মাচিষ্ট ।

ৰাইজৰ ধাৰাবাহিক প্ৰতিবাদৰ ওচৰত হাৰ মানিলে অসম চৰকাৰে ৷ মন্ত্ৰী অশোক সিংঘালে সদৰি কৰিলে চন্দ্ৰপুৰত ডাম্পিং গ্ৰাউণ্ডৰ সিদ্ধান্ত চৰকাৰে প্ৰত্যাহাৰ কৰাৰ কথা ৷ চন্দ্ৰপুৰৰ পৰিৱৰ্তে পূৰ্বৰ গুৱাহাটীৰ বৰাগাঁৱতে হ'ব ডাম্পিং গ্ৰাউণ্ড ৷

প্ৰধানমন্ত্ৰী নৰেন্দ্ৰ মোডী নেতৃত্বাধীন চৰকাৰখনে দেশৰ সকলো গণতান্ত্ৰিক অনুষ্ঠানৰ কৰ্তৃত্ব বিনষ্ট কৰি একনায়কত্ববাদী শাসন চলাইছে । ২০১৪ চনৰ পৰা আমাৰ দেশত পৰিকল্পিতভাৱে গণতন্ত্ৰক হত্যা কৰাৰ অভিযান আৰম্ভ হৈছে ।

ওড়িশাৰ কেইবাজনো ব্যক্তিৰ বিশেষ তৎপৰতা তথা অসম চৰকাৰে বাসগৃহটো সংৰক্ষণৰ বাবে দেখুওৱা আগ্রহৰ বাবেই ৰসৰাজৰ স্মৃতি এতিয়া সংৰক্ষণৰ পথত। প্রথম পর্যায়ত আটকধুনীয়াকৈ সজাই তোলা হৈছে ওড়িশাৰ সম্বলপুৰত থকা সাহিত্যৰথীৰ লক্ষ্মীনাথ বেজবৰুৱাৰ প্রার্থনা গৃহ তথা অধ্যয়ন কক্ষ ।

ক্ৰীড়া আৰু যুৱ কল্যাণ বিভাগৰ বিষয়াৰে ক্ৰীড়া মন্ত্রী বিমল বৰাৰ পৰ্যালোচনা বৈঠক । অসমৰ ক্ৰীড়াক্ষেত্ৰক উজ্জীৱিত কৰাৰ লগতে ক্ৰীড়া সম্পৰ্কীয় গতিবিধি উন্নীত কৰাৰ সন্দৰ্ভত আলোচনা । প্রতিজন বিষয়াক অতি কমেও দুখনকৈ জিলাৰ দায়িত্ব গ্ৰহণ কৰাৰ নিৰ্দেশ মন্ত্ৰীগৰাকীৰ।