তিনি বজাৰ শীৰ্ষ 10 টা বাতৰি...

তিনি বজাৰ শীৰ্ষ 10 টা বাতৰি...

ৰাজ্যত এনে প্ৰায় ১.৫০ লাখ লোক আছে, যি প্ৰথম পালি ক'ভেক্সিন(Covaxin) ভেকচিন লোৱাৰ পাছত দ্বিতীয় পালি ভেকচিন নিৰ্দিষ্ট সময়সীমা পাৰ হৈ যোৱাৰ পাছতো আজিলৈকে লোৱা নাই ৷ আনহাতে, প্ৰথম পালি ক’ভিশ্বিল্ড(covishield) ভেকচিন লোৱাৰ পাছত নিৰ্দিষ্ট সময় উকলি যোৱাৰ পাছতো ৰাজ্যৰ ৬.৫০ লাখ লোকে দ্বিতীয় পালি ভেকচিন গ্ৰহণ কৰা নাই ৷ ক্ৰমাৎ বৃদ্ধি পাইছে এই সংখ্যা ৷

অৱশেষত বাতিল কৰা হৈছে APDCL ৰ অফিচ কাম ফিল্ড এছিচটেণ্ট, সহায়িকা আৰু ড্ৰাইভাৰ পদৰ নিযুক্তি প্ৰক্ৰিয়া ৷ লগতে বাতিল কৰা হৈছে উপ মহা প্ৰৱন্ধক পদৰ নিযুক্তি প্ৰক্ৰিয়া ৷ প্ৰশাসনীয় কাৰণত এই নিযুক্তি প্ৰক্ৰিয়া বাতিল কৰা হৈছে বুলি APDCL কৰ্তৃপক্ষই জাননীত উল্লেখ কৰিছে ৷

বিশ্বনাথৰ বালিপুখুৰীত থকা চিআৰপিএফৰ 30নং বেটালিয়ানৰ উদ্যোগত শনিবাৰে জৰাবাৰী গাঁৱৰ তিনিটাকৈ স্থানত কমাণ্ডিং অফিচাৰ ৰাহুল কান্ত চাহুয়ে উদ্বোধন কৰে ষ্ট্ৰীট লাইট ৷

বিটিআৰৰ টেট (TET) পৰীক্ষাত নিৰ্বাচিত হোৱা শিক্ষকসকলৰ নিযুক্তি(TET Teachar appoinment) সন্দৰ্ভত বিটিআৰ প্ৰধান প্ৰমোদ বড়ো(BTR Chief Pramod Bodo)ৰ প্ৰতিক্ৰিয়া ৷ চি টেটৰ প্ৰাৰ্থীসকলে উচ্চ ন্যায়ালয়ৰ দ্বাৰস্থ হোৱাৰ পিছতে বৰ্তমান বিটিআৰৰ শিক্ষক নিযুক্তিৰ ক্ষেত্ৰত প্ৰদান কৰা হৈছে নিষেধাজ্ঞা ৷

ইতিমধ্যেই বিধানসভাৰ মজিয়াত 29 খন আসনৰ পৰা 27 খনলৈ নিম্নগামী হৈছে কংগ্ৰেছ (Congress) দল ৷ কিন্তু যদি মুখ্যমন্ত্ৰীকে ধৰি অন্য বিজেপি নেতাসকলে দাবী কৰাৰ দৰে মাজুলীৰ লগতে আন সমষ্টিতো উপ নিৰ্বাচন (By Election) অনুষ্ঠিত হয় তেন্তে হয়তো অতিশীঘ্ৰে পুনৰ বিৰোধী দলপতি (Opposition Leader)ৰ আসনখন হেৰুৱাব দেৱব্ৰত শইকীয়াই (Debabrata Saikia) ৷

গোলাঘাটৰ দেৰগাঁৱত অব্যাহত আছে পৰিভ্ৰমী শৰালি হাঁহ(Indian Whistling Ducks)ৰ নিধন কাৰ্য । একাংশ দুষ্টচক্ৰই নিতৌ শ শ শৰালি হাঁহ হত্যা কৰি আহিছে । যাৰবাবে তীব্ৰ প্ৰতিক্ৰিয়াৰ সৃষ্টি হৈছে সমগ্ৰ অঞ্চলটোত । পক্ষীকূলৰ সুৰক্ষাৰ দাবীত বিভিন্ন দল-সংগঠনে প্ৰতিবাদ কৰাও দেখা গৈছে । ইয়াৰ মাজতে শুকুৰবাৰে পুৱাই দেৰগাঁৱৰ একাংশ সচেতন নাগৰিকে মানৱ শৃংখল (Human Chain) কাৰ্যসূচী ৰূপায়ণ কৰে ।

জোনাইৰ চিমেন চাপৰি পুৰণা গাওঁ পঞ্চায়তত চলা অবৈধ নিৰ্মাণকাৰ্যৰ বিৰুদ্ধে সৰৱ একাংশ লোক । পঞ্চায়ত সভাপতিৰ নেতৃত্বত ছয়গৰাকী ব্যক্তিয়ে অবৈধভাৱে গৃহ নিৰ্মাণ কৰাৰ অভিযোগ উত্থাপন কৰিছে ৰাইজে । বিষয়টোৰ তদন্তৰ দাবী জিলা উপায়ুক্তক ।

লখিমপুৰ জিলা ছাত্ৰ সন্থাৰ চতুৰ্দশ বাৰ্ষিক অধিৱেশনখন হাৰমতী আঞ্চলিক ছাত্ৰ সন্থা আৰু হাৰমতীবাসী ৰাইজৰ সহযোগত বৃহস্পতিবাৰৰ পৰা তিনিদিনীয়া কাৰ্যসূচীৰে হাৰমতী উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত হৈছে ৷

অমানৱীয় ঘটনা সংঘটিত হৈছে কৰ্ণাটকৰ কোডাগু জিলাত । ক'ভিডে প্ৰাণ লোৱা পিতৃ-মাতৃৰ হৈ বেংকৰ ঋণ পৰিশোধ কৰিব লাগিব কিশোৰে । কিশোৰজনলৈ কেইবাবাৰো জাননী প্ৰেৰণ বেংক কতৃপক্ষৰ ।

অহা ২৫ নৱেম্বৰত অনুষ্ঠিত হ'ব ত্ৰিপুৰাৰ পৌৰ নিগমৰ নিৰ্বাচন । তাৰ প্ৰাকক্ষণত ৰাজ্যখনৰ ভিন্ন প্ৰান্তত বিভিন্ন ধৰণৰ আইন শৃংখলাজনিত পৰিস্থিতিৰ সৃষ্টি হোৱা দেখা গৈছে । ইয়াৰ মাজতে শাসকীয় বিজেপিৰ বিধায়ক সুদীপ ৰয় বৰ্মনে আৰক্ষী সঞ্চালক প্ৰধানলৈ লিখিলে এখন বিশেষ পত্ৰ । পত্ৰখনত কোনবোৰ বিষয় উত্থাপন কৰিলে বিধায়কগৰাকীয়ে ।