জ্যোতি চিত্ৰবনৰ উপাধ্যক্ষক গৃহ চহৰত উষ্ম আদৰণি

জ্যোতি চিত্ৰবনৰ উপাধ্যক্ষ সুনীল ৰাজকোঁৱৰক ডিব্ৰুগড়ত জনোৱা হ’ল বিপুল আদৰণি ৷ গৃহ চহৰ ডিব্ৰুগড়ত উপস্থিত হৈ ৰাইজৰ উষ্ম আদৰণিত অভিভূত হৈ পৰে নৱনিযুক্ত উপাধ্যক্ষ গৰাকী ৷

ডিব্ৰুগড়, 17 ফ্ৰেব্ৰুৱাৰী: ৰাজ্য চৰকাৰে শেহতীয়াকৈ নিযুক্তি প্ৰদান কৰা জ্যোতি চিত্ৰবনৰ উপাধ্যক্ষ সুনীল ৰাজকোঁৱৰক গৃহ চহৰ ডিব্ৰুগড়ত উষ্ম অভিনন্দন জনায় তেওঁৰ অনুৰাগীয়ে । বুধবাৰে ডিব্ৰুগড় চহৰৰ লক্ষ্মী নগৰস্থিত নিজা অঞ্চলত উপস্থিত হোৱাৰ পিছতেই উপাধ্যক্ষ গৰাকীক গায়ন-বায়ন, ঢোল নৃত্য গীতৰ মাজেৰে নিজ গৃহলৈ আদৰি অনা হয় ।

লক্ষ্মী নগৰ সাৰ্বজনীন নামঘৰত উপাধ্যক্ষ গৰাকীক অঞ্চলটোৰ মহিলা সমিতিৰ লগতে বিভিন্ন স্থানৰ পৰা অহা যথেষ্ট সংখ্যক অনুৰাগীয়ে ফুলাম গামোচা তথ অন্যান্য উপহাৰেৰে অভিনন্দন জনায় । নতুন চিন্তা চেতনাৰে অধিক গতিশীল ৰূপত জ্যোতি চিত্ৰবনক নিৰ্মাণ কৰি অসমীয়া সাংস্কৃতিক জগতখনক আগুৱাই নিয়াৰ কথা উল্লেখ কৰে উপাধ্যক্ষ সুনীল ৰাজকোঁৱৰে ।

লগতে পঢ়ক:এক লাখ নতুন নিযুক্তি বনাম অৰ্ধ লক্ষাধিক অস্থায়ী কৰ্মচাৰী