টিংখাং, 13 অক্টোবৰ : এইবাৰ টিংখাঙৰ বিদ্যালয়সমূহৰ ছাত্ৰ-ছাত্ৰী সকলৰ দেহলৈ সংক্ৰমিত হৈছে কৰ'ণা ভাইৰাছ । শেহতীয়াকৈ বিদ্যালয়সমূহত হোৱা ক'ভিড টেষ্ট ফলাফলত পোহৰলৈ আহিছে এই তথ্য । ইয়াৰ ফলত শংকিত হৈ পৰিছে ছাত্র-ছাত্ৰী, শিক্ষক-শিক্ষয়িত্ৰী তথা অভিভাৱকসকল । বিদ্যালয়সমূহত ছাত্র-ছাত্ৰীসকল ক'ভিডত আক্ৰান্ত হোৱাৰ তথ্য বিয়পাৰ লগে লগেই পুনৰ বিদ্যালয়ত ছাত্র-ছাত্ৰীৰ উপস্থিতিৰ সংখ্যা কমি আহিবলৈ ধৰিছে।
টিংখাঙৰ কেইবাখনো বিদ্যালয়ত হোৱা ক'ভিড পৰীক্ষাৰ ফলাফলত বহু কেইজন ছাত্র-ছাত্ৰী আক্ৰান্ত হৈছে ক'ভিডত । টিংখাঙৰ ঔফুলীয়া উচ্চ মাধ্যমিক বিদ্যালয়ত এজন,লেঙেৰী উচ্চতৰ মাধ্যমিক বিদ্যালয়ত দুগৰাকী ছাত্ৰী,দুজন ছাত্র আক্ৰান্ত হোৱাৰ বিপৰীতে দুগৰাকী অভিভাৱক,লেঙেৰী ছোৱালী উচ্চ মাধ্যমিক বিদ্যালয়ত তিনি গৰাকী আৰু নেমুপথাৰ উচ্চ মাধ্যমিক বিদ্যালয়ত এজনকৈ ছাত্ৰ ক'ভিড পজিটিভ ধৰা পৰিছে ।