মৰাণ, 13 জুলাই :বহিঃৰাজ্যত কাম কৰিবলৈ গৈ পাকিস্তান পালেগৈ চৰাইদেউ জিলাৰ সোণাৰিৰ এজন ব্যক্তি(One person from Sonari crossed Pakistan Border) । উল্লেখ্য যে, চৰাইদেউ জিলাৰ সোণাৰি কাকতিবাৰী আৰক্ষী থানাৰ অন্তৰ্গত মনোজ ওজা নামৰ লোকজন নিৰুদ্দেশ হৈ আছে বিগত এসপ্তাহে ।
তথ্য অনুসৰি বিগত এমাহৰ আগতে ৰাজস্থানত কাম কৰিবলৈ বুলি কাকতিবাৰীৰ চেলেংগাওঁস্থিত ঘৰৰপৰা গৈছিল মনোজ ওজা । ৰাজস্থানৰ এটা প্লাইউড ফেক্টৰীত এমাহ কাম কৰাৰ পাছত বিগত ৭ জুলাইত লোকজনে ঘৰলৈ বুলি ৰাওনা হোৱাৰ উদ্দেশ্যে জয়পুৰ ৰে'ল ষ্টেচনত উপস্থিত হয় । কিন্তু দুৰ্ভাগ্যজনকভাৱে লোকজনে দিকবিদিক হেৰুৱাই পাকিস্তান অভিমুখী ট্ৰেইন এখনত উঠে আৰু তেওঁৰ নথি-পত্ৰ সহিতে এটা বেগ ষ্টেচনতে ৰৈ যায় ।
বহিঃৰাজ্যত কাম কৰিবলৈ গৈ পাকিস্তান পালেগৈ সোণাৰিৰ ব্যক্তি