মৰাণ, 5 ছেপ্তেম্বৰ :ৰাজ্য চৰকাৰে নতুন SOP জাৰি কৰি ৬ ছেপ্তেম্বৰৰ পৰা চূড়ান্ত বৰ্ষৰ শ্ৰেণীসমূহৰ পাঠদান পুনৰ আৰম্ভ কৰাৰ নিৰ্দেশনা জাৰি কৰিছে । উচ্চতৰ মাধ্যমিক চূড়ান্ত বৰ্ষ, স্নাতক চূড়ান্ত বৰ্ষ, স্নাতকোত্তৰ চূড়ান্ত বৰ্ষৰ লগতে ইয়াৰ সমপৰ্যায়ৰ অন্যান্য শৈক্ষিক প্ৰতিষ্ঠানসমূহৰ পাঠদানৰ বাবে চৰকাৰে অনুমতি প্ৰদান কৰিছে । এই ঘোষণাৰ পাছতে ব্যস্ততা আৰম্ভ হৈছে শিক্ষানুষ্ঠানসমূহত ।
পাঠদানৰ বাবে সাজু মৰাণ উচ্চতৰ মাধ্যমিক বিদ্যালয়ৰ কৰ্তৃপক্ষ
মৰাণৰ অন্যতম উচ্চ শিক্ষানুষ্ঠান মৰাণ উচ্চতৰ মাধ্যমিক বিদ্যালয়তো পাঠদানৰ বাবে সাজু হৈছে বিদ্যালয় কৰ্তৃপক্ষ ৷ বিদ্যালয় চৌহদ, শ্ৰেণীকোঠাবোৰ চাফ-চিকুণ কৰি তোলা হৈছে ৷ বিদ্যালয়খনৰ উচ্চতৰ মাধ্যমিক চূড়ান্ত বৰ্ষত কলা, বাণিজ্য, বিজ্ঞান আৰু কাৰিকৰী এই চাৰিটা বিভাগত আছে মুঠ ৩৬৪ গৰাকী ছাত্ৰ-ছাত্ৰী ৷ চৰকাৰৰ নিৰ্দেশনা অনুসৰি প্ৰতিটো শ্ৰেণীত ৩০ জনকৈ ছাত্ৰ-ছাত্ৰীক পাঠদান কৰা হ'ব ৷