Srimanta Sankardev Sangha: তুংগত অধিৱেশনৰ প্ৰস্তুতি

শ্ৰীমন্ত শংকৰদেৱ সংঘৰ ৯১ সংখ্যক অধিৱেশনস্থলী পৰিদৰ্শন কৰি প্ৰস্তুতিৰ বুজ ল'লে নাহৰকটীয়াৰ বিধায়ক তৰংগ গগৈয়ে ৷ সংঘৰ প্ৰদাধিকাৰ কমলাকান্ত গগৈয়ে দেওবাৰে স্থাপন কৰিব অধিৱেশনখনৰ মূল মণ্ডপৰ লাইখুঁটা ।

মৰাণ, 20 নৱেম্বৰ : উত্তৰ পূৱ ভাৰতৰ সৰ্ববৃহৎ জাতীয় অনুষ্ঠান শ্ৰীমন্ত শংকৰদেৱ সংঘ(Srimanta Sankardev Sangha)ৰ ৯১ সংখ্যক বাৰ্ষিক অধিৱেশনখনি এইবাৰ ডিব্ৰুগড় নাহৰকটীয়াৰ ৰাঙলীপথাৰত অনুষ্ঠিত হ'ব । নাহৰকটীয়াৰ বিধায়ক তৰংগ গগৈ(Naharkatia MLA Taranga Gogoi)য়ে শনিবাৰে অধিৱেশনৰ লাইখুঁটা স্থাপনস্থলীত উপস্থিত হৈ প্ৰস্তুতি বুজ লৈ উদ্যোক্তাসকলৰ সৈতে মত বিনিময় কৰে ।

শ্ৰীমন্ত শংকৰদেৱ সংঘৰ ৯১ সংখ্যক অধিৱেশনস্থলী

ডিব্ৰুগড় জিলাৰ নাহৰকটীয়াত ৪ ফেব্ৰুৱাৰীৰ পৰা ৬ ফেব্ৰুৱাৰীলৈ অনুষ্ঠিত হ'ব বাৰ্ষিক অধিৱেশনখন । শ্ৰীমন্ত শংকৰদেৱ সংঘৰ ডিব্ৰুগড় জিলা শাখাৰ আতিথ্যত আৰু বৃহত্তৰ নাহৰকটীয়াবাসী ৰাইজৰ সহযোগত অনুষ্ঠিত হ'ব লগা এই অধিৱেশনখনলৈ এতিয়া ব্যাপক উৎসাহ উদ্দীপনা দেখিবলৈ পোৱা গৈছে সংঘৰ ভকত বৈষ্ণৱৰ মাজত । সংঘৰ প্ৰদাধিকাৰ কমলাকান্ত গগৈয়ে ২১ নৱেম্বৰত অধিৱেশনখনৰ মূল মণ্ডপৰ লাইখুঁটা স্থাপন কৰিব ।

শ্ৰীমন্ত শংকৰদেৱ সংঘৰ ৯১ সংখ্যক অধিৱেশনস্থলী

লাইখুঁটা স্থাপন কাৰ্যসূচীৰ অনুষ্ঠানটো যাতে সুকলমে অনুষ্ঠিত হয়, সেই সম্পৰ্কে স্থানীয় বিধায়কগৰাকীয়ে তৎপৰতা প্ৰদৰ্শন কৰা পৰিলক্ষিত হৈছে । পৰ্যালোচনা কালত শ্ৰীমন্ত শংকৰদেৱ সংঘৰ ডিব্ৰুগড় জিলাৰ সন্মানীয় জিলা সভাপতি, ভকত-বৈষ্ণৱসকলৰ লগতে নামৰূপ আৰক্ষীৰ উপ-অধীক্ষক উপস্থিত থাকে ।

শ্ৰীমন্ত শংকৰদেৱ সংঘৰ ৯১ সংখ্যক অধিৱেশনস্থলী

লগতে পঢ়ক :শ্ৰীমন্ত শংকৰদেৱ সংঘৰ বাৰ্ষিক অধিৱেশন স্থলী পৰিদৰ্শন শংকৰজ্যেতি বৰুৱাৰ