ডিব্ৰুগড়, 14 আগষ্ট : কেন্দ্ৰীয় সংৰক্ষিত আৰক্ষী বাহিনীৰ 171 বেটেলিয়ানত কৰ্মৰত এগৰাকী হাবিলদাৰৰ গুৰুতৰ অভিযোগ অসম চিকিৎসা মহাবিদ্যালয় কৰ্তৃপক্ষৰ বিৰুদ্ধে ৷ ডিব্ৰুগড়ত কৰ্মৰত হৈ থকা হাবিলদাৰগৰাকী শিৱসাগৰ দিখৌমুখৰ বিজিত দাস ।
চিআৰপিএফত কৰ্মৰত কোভিড আক্ৰান্ত হাবিলদাৰ বিজিত দাস ইতিমধ্যেই কৰ'ণাত আক্ৰান্ত হোৱা হাবিলদাৰগৰাকীক 8 আগষ্টত স্বাস্থ্য বিভাগে ডিব্ৰুগড়ৰ ডনবস্ক স্কুলৰ কোৱাৰেইন্টাইনত পঠিওৱাৰ পাছত স্বাস্থ্যৰ অধিক অৱনতি ঘটাত 9 আগষ্টত অসম চিকিৎসা মহাবিদ্যালয়ত ভৰ্তি কৰোৱাই ৷ কিন্তু অসম চিকিৎসা মহাবিদ্যালয়ত ভৰ্তি কৰোৱাৰ পাছৰে পৰা তেওঁক গুৰুত্বহীন কৰি পেলাই থোৱাৰ অভিযোগ বিজিত দাস আৰু পৰিয়ালৰ । ক্ৰমান্বয়ে স্বাস্থ্যৰ অধিক অৱনতি ঘটিব ধৰিছে বিজিত দাসৰ ।
কোবিড-19ত আক্ৰান্ত চিআৰপিএফ হাবিলদাৰ বিজিত দাসৰ গুৰুতৰ অভিযোগ অসহায় হৈ বিগত এইদৰে নিজৰ শোচনীয় অৱস্থা আৰু অসম চিকিৎসা মহাবিদ্যালয় কৰ্তৃপক্ষৰ অৱহেলাৰ কথা জনাই অকণমান চিকিৎসা পোৱাৰ আশাত এই ভিডিঅটো ইটিভি ভাৰতৰ সাংবাদিকলৈ প্ৰেৰণ কৰাৰ চেষ্টা চলাইছে । কিন্তু ইয়াৰ পাছৰে পৰা তেওঁ আনকি ফোনতো কথা পাতিবলৈও নোৱাৰা হৈ পৰিব ধৰিছে ।
অসম চিকিৎসা মহাবিদ্যালয়ৰ বিৰুদ্ধে গুৰুতৰ অভিযোগ কোভিড-19ত আক্ৰান্ত চিআৰপিএফ হাবিলদাৰৰ উল্লেখ যে, অসম চিকিৎসা মহাবিদ্যালয় কৰ্তৃপক্ষই যাতে বিষয়টো গুৰুত্ব প্ৰদান কৰি অতি সোনকালে ৰোগীগৰাকীৰ উন্নত চিকিৎসাৰ ব্যৱস্থা কৰে তাৰ বাবে কাতৰ অনুৰোধ কৰিছে বিজিতৰ পৰিয়ালে ৷ দেশৰ সুৰক্ষাত নিয়োজিত এইসকল বীৰ জোৱানৰ স্বাস্থ্যৰ প্ৰতি এইদৰে চিকিৎসা মহাবিদ্যালয় কৰ্তৃপক্ষৰ অৱহেলাৰ পিচতে ৰাজ্যৰ স্বাস্থ্য বিভাগৰ ফোঁপোলা স্বৰূপ ওলাই পৰিছে ৷ এইক্ষেত্ৰত স্বাস্থ্য বিভাগে চিকিৎসা মহাবিদ্যালয় কৰ্তৃপক্ষক কি ধৰণে গ্ৰহণ কৰে সেয়া লক্ষণীয় হ'ব ৷
লগতে পঢ়কঃহতাশাগ্ৰস্ত হৈছে মন্ত্ৰী হিমন্ত বিশ্ব শৰ্মাঃ ৰিপুন বৰা
