মৰাণ, 3 ডিচেম্বৰ :চৰাইদেউ জিলা উপায়ুক্ত পল বৰুৱা(Charaideo DC Paul Baruah), আৰক্ষী আয়ুক্ত সুধাকৰ সিঙসহ আৰক্ষী আৰু চিকিৎসকৰ এটা বৃহৎ দলক লগত লৈ অসম চৰকাৰৰ ভূমিলেখ্য অধিকৰ্তা জ্ঞানেন্দ্ৰ দেৱ ত্ৰিপাঠীয়ে বৃহস্পতিবাৰে মৰাণৰ ঘৰে ঘৰে গৈ হৰ ঘৰ দস্তক(Har Ghar Dastak in Moran) অভিযান ৰূপায়ন কৰে ৷ উল্লেখ্য যে, ৰাজ্যৰ বিভিন্ন প্ৰান্তৰ দৰে ডিব্ৰুগড় আৰু চৰাইদেউ জিলাৰ সীমাত অৱস্থিত মৰাণতো ঘৰে ঘৰে গৈ ক'ভিড ভেকচিন দিয়া প্ৰক্ৰিয়া আৰম্ভ হৈছে । কিন্তু স্বাস্থ্য কৰ্মী চিকিৎসকে আপ্ৰাণ চেষ্টা কৰিও কিছু লোকক দিব পৰা নাই ভেকচিন ।
মৰাণৰ বিষ্ণু নগৰত এজন ব্যক্তিয়ে তেওঁ পৰিবাৰৰ সৈতে ক'ভিড ভেকচিন ল'বলৈ অমান্তি হৈ অস্বস্তিত পেলাইছিল চিকিৎসকসকলক । যাৰবাবে বৃহস্পতিবাৰে চৰাইদেউ জিলাৰ উপায়ুক্ত, আৰক্ষী অধীক্ষকে অসম চৰকাৰৰ ভূমিলেখ্য অধিকৰ্তা জ্ঞানেন্দ্ৰ দেৱ ত্ৰিপাঠি(Director of Land Records & Surveys etc, Gyanendra Dev Tripathi)ক লগত লৈ ব্যক্তিজনৰ ঘৰত উপস্থিত হয় । চৰাইদেউ জিলাৰ উপায়ুক্ত আৰু জ্ঞানেন্দ্ৰ দেৱ ত্ৰিপাঠিয়ে বহু সময় ধৰি বয়োজ্যেষ্ঠ ব্যক্তিজনক বুজাই অৱশেষত ভেকচিনৰ পালি প্ৰদান কৰে ৷